Foto ©Turar Qazanǵapov
Densaýlyq saqtaý mınıstri Eljan Birtanov elge koronavırýspen oralyp, karantınnen jasyrynatyn adamdarǵa eskertý jasady, - dep habarlaıdy Tengrinews.kz tilshisi.
"Árıne, keıbir jaǵdaıda azamattar tyǵylyp, qaıdan kelgenderin jasyrady. Ókinishke qaraı, bizdiń jaýapsyz azamattarymyz bar. Biz bul problemany sheshý úshin tehnıkalyq máselelerin qarastyryp jatyrmyz", - dedi Birtanov OKQ-da ótken brıfıngte.
Ol bas sanıtarlyq dáriger Jandarbek Bekshınniń arnaıy jarlyǵy týraly aıtty.
"Karantınnen bas tartqan nemese qashyp júrgen azamattarǵa aıtqym keledi: bul jerde ákimshilik jaýapkershilik bar. Eger ol aýyryp, basqa azamattarǵa juqtyrsa, zańda qylmystyq jaýapkershilik qarastyrylǵan", - dep eskertti mınıstr.
Eske salaıyq, 1A sanatyndaǵy elder - Qytaı, Iran, Ońtústik Koreıa jáne Italııadan kelgen azamattar 14 kún boıy mindetti karantınge jatady. 1V sanatyndaǵy elder - Franııa, Germanııa jáne Ispanııadan kelgender úıinde 14 kúnge oqshaýlanýy kerek.