Ulttyq bank bazalyq mólsherlemeni 12 paıyzǵa ósirdi

2642
Adyrna.kz Telegram

Ulttyq bank bazalyq mólsherlemeni 12 paıyzǵa ósirdi, - dep habarlaıdy Tengrinews.kz tilshisi.

"9 naýryzda Memleket basshysynyń tapsyrmasymen úkimet pen Ulttyq bank álemdik munaı naryǵyndaǵy ahýal jáne makroekonomıkalyq turaqtylyqty qamtamasyz etý sharalary týraly birlesken úndeý jasady", - dedi Ulttyq bank tóraǵasy Erbolat Dosaev úkimet otyrysynda.

"Syrtqy sektordaǵy qaýiptiń joǵarylaýy jaǵdaıynda baǵa turaqtylyǵyn saqtap, teńgeniń aıyrbastaý baǵamyn qorǵaý qajet. Sondyqtan Ulttyq bank kezekten tys otyrysta bazalyq mólsherlemeni bıylǵy 10 naýryzdan bastap +/- 1,5 paıyzdyq pýnktpen 12 paıyzǵa deıin ósirýge sheshim qabyldady", - dedi ol.

Ol bazalyq mólsherlemeniń ósýi makroekonomıkalyq jáne qarjylyq turaqtylyqty saqtaýǵa, syrtqy naryqtardyń ishki baǵalar men dollarlandyrý deńgeıine teris áserin boldyrmaýǵa jaǵdaı jasaıdy dep túsindirdi.

Pikirler