Bügın Tıleuhan Şıldebaiūly bastaǧan mamandar Almaty qalasy äkımdıgınıŋ baspasöz ortalyǧynda koronavirus infeksiiasynyŋ taraluyna qarsy äreket etu boiynşa atqarylyp jatqan jūmys turaly şūǧyl baspasöz mäslihatyn ötkızdı. Şūǧyl jiynǧa Nege.kz portalyndaǧy maqala sebep boldy dep şamalaimyz.
«DDSŪ-nyŋ mälımetınşe, älemnıŋ 72 elınde koronavirustyŋ taralǧany belgılı. Almaty qalasy, mekemelerı qazır aurudyŋ aldyn aluǧa jäne epidemiiaǧa qarsy tūruǧa bailanysty tolyq daiar. Būl jūmystar qalalyq ştabtyŋ basqaruymen jürgızılude. Bügınde qalaǧa infeksiianyŋ taralu qaupı joǧary memleketterden kelgen adamdardyŋ tızımı kün saiyn monitoring ortalyǧyna berıledı. Osy ortalyqta ärqaisysy jeke zerttelıp, ärtürlı kategoriiaǧa bölınıp, medisinalyq baqylauǧa alynady. Qaladaǧy köpsalaly medisinalyq ortalyqta 14 künge karantinge jatqyzatyn adamdardy anyqtaimyz. Qazır auruhanada «A» sanatyndaǧy 131 adam jatyr. Bırınşı «B» sanatyndaǧy 119 adam üide därıger baqylauynda, ekınşı sanattaǧy 955 azamat ta jürıs-tūrysyn şekteidı, al monitoringtık baqylauda 1632 adam bar. Medisinalyq mekemeler medikament qory, qūral-jabdyqtarmen qamtamasyz etılgen. Adam sany köbeise, qosymşa tösek orynmen qamtamasyz etıledı», – dedı basqarma basşysy.
Almaty qalasy tuarlar men qyzmetterdıŋ qauıpsızdıgın baqylau departamentı basşysynyŋ orynbasary Äsel Qalyqovanyŋ aituynşa, qazır Qytaidan tıkelei ūşyp keletın reister toqtady. «Almatynyŋ qaqpasy – äuejai. Qazır Oŋtüstık Koreiadan aptasyna ekı-aq reis ūşyp keledı. Būǧan deiın köp edı. Arnaiy 24 maman kündız-tünı jūmys ıstep, kelıp-ketetın reisterdı anyqtap, saualnamaǧa jauap alady. Almatyǧa qanşa adam ūşyp keldı nemese tranzitpen ūşyp ketkenın qadaǧalaidy. Qazır tranzit zaly aşyldy. Olardyŋ qalaǧa şyqpauyn qadaǧalaidy», – dedı.
«Koronavirus älemdı alaŋdatyp otyr. Densaulyq – adamǧa berılgen amanat. Bızden būl ömırde de, ahirette de sūralady. Qūran Kärımde: «Özderıŋdı özderıŋ apatqa itermelemeŋder» deidı. Jūma namazdarda barynşa aityp jatyrmyz. Qūdai betın ärı qylsyn, saqtansaq – saqtaidy. Köp adam şoǧyrlanatyn jerden aulaq jürıp, mümkındık bolsa toi, asty keiınge qaldyrsaq deimın. Al Toǧjanov myrza mūny jäi ǧana keŋes türınde aitty. Būl tapsyrma emes. Ekınşıden, būl keŋestı ystyǧy köterılıp, aurudyŋ belgılerı bar adamdarǧa aitty» dedı.Qysqasy, mamandar är adam saqtyq şarasyn özınen bastauy kerek deidı. «Halyq köp jinalatyn jerlerge barudy şektegen dūrys. Qalanyŋ mekemelerıne mädeni-qoǧamdyq ıs-şaralardy azaitqan jön dep keŋes berer edım» degen ündeu joldady. Al koronavirus jaiynda keŋes alǧyŋyz kelse, Nūr-Sūltan qalasyndaǧy 1406 Soll ortalyǧyna telefon şaluǧa bolady.Medisinalyq maskanyŋ jetıspeuşılıgı, baǧasynyŋ şaryqtap ketuı jaiynda da saual qoiyldy. Alaida, mamandar: «Būl jekemenşık öndıruşılerdıŋ qolymen jasalyp otyr. Olar qandai baǧa qoiady, özderı bıledı. Bıraq bızde maska qory jetkılıktı» dep sendırdı.
nege.kz
