30 jylǵa jalǵasqan memleket baılyǵyn talan-tarajǵa salý men aldap-arbaý áli jalǵasyp keledi.
Ony Ýkraına, Grýzııa, Armenııa, Qyrǵyzstan sekildi birneshe kún alańda turyp qana qutylýǵa bolatynyn sanalanyń nobaıy bilse kerek.
Ókinishke qaraı ,kóp jigitter eldi alańnan alystatyp, "ultshylmyz"-degen betperdelerimen jan-jaqqa buryp, aldastyrǵandaryna máz.
"Oıan, qazaq!"-degen MirJaqyp atamyzdyń aıtqanyna da júz jyldaı ótipti.
Keıingi jyldary jıi estımiz.
"Sózden góri áreketke kóshýimiz kerek"-dep júrgen azamatardyń sany kún saıyn kóbeıýde.
Namysty batyl jigitter mıtıngden qalmaıdy.
Bılikke qarsy partııany tirkemeıtinin bilse de , "partııa"-dep júrgenderge , azamattar "Eldi tek kóshe ǵana qutqarady"-dep júr.
Oń sóz! Alla taǵala aldarynan jarylqasyn!
Keshe feısbýkten qarap otyrsam, keıbiri "kóshe partııasy"-dep kıimder kıip júrgendi baıqadyq. Quptarlyq!
2018 jyldyń sáýirinde Armenııada alańdarda ereýildep, júz myńdaǵan adamdar turdy. Prezıdentteri ókilettiligin tapsyryp, keıin túrmege otyrdy.
Armenııadaǵy mıtınginiń eń unaǵany birneshe kún halyq alańda turǵanymen, jerge bir sirińke túspedi. Mýsor tastaǵan da eshkim bolmapty.
Qazaqty áýeli on myńdap, keıin júz myńdap alańdarda turǵany abzalyraq. El erteńi úshin óte qajetti jaǵdaı!
Muny jurttyń nobaıy aıtyp júr. Durys!
Bul baǵyt bılik qansha kedergi keltirsede kúsheıe bermek! InshAlla!
Aıtpaǵym, kishkene ǵana bir sóz! "Kóshe partııasy"-degen jaqsy, biraq, atyn sál ózgertip, "Alań partııasy"-degen durysyraq.
1. Ýkraına, Grýzııa, Armenııa, Qyrǵyzstanda da kóshede emes, alańdarda turyp sheshildi.
2. Barlyq qalada transportqa kedergi keltirmeı jınala alatyn jer kóshe, park emes, tek qana alań!
3. Keı halyqta "kemeni qalaı atasań, solaı júzedi"-degen túsinik bar.
Qazaq tiliniń ózinde jińishke kóshe sózinen, alańnyń daýystyq, maǵynalyq t.b turǵydan aıtary aýqymdyraq!
Meniki, jáı usynys qana. Sóz qýatyndardy unatpaýshy edim. Aıtqandy jón kórdim.
Burynnan birneshe halyqtyń tilinde bar "maıdan" sózi 2013-2014 jyldan soń, álem qulaq túretin sózdiń birine aınaldy.
InshAlla, búkil álem biletin qazaqtyń alǵashqy sózi de "ALAŃ" bolýy múmkin.
Áreketke bereket!
P. S. Jaratqan ıemizdiń jar bolýymen halyq biraýyzdan jınalyp, jeńip jatsa, elimizdiń bir alańy "Kóshe partııasynyń" eń bedeldi ókili, marqum Dýlat Aǵadil baýyrymyzdyń atymen atalýy kerek!
Aldanazar JAILYULY
