Aımaq basshysynyń Aqjardaǵy tarbaǵataılyqtarmen kezdesýi ádettegiden ózgeshe tartysty jaǵdaıǵa ótti. Halyqty sabasyna túsirip, birden tizgindi qolǵa alǵan aımaq basshysy naqty jaýap berdi, dep habarlaıdy Altaınıýs tilshisi.
Mundaǵy turǵyndardyń negizgi talaby Aqjardy qaıtadan aýdan ortalyǵy etip, shekara mańyndaǵy údere kóshken halyqtyń kóshin toqtatý boldy.
Oblys ákimi Danıal Ahmetov bul máselelerden habardar ekenin, ony sheshý úshin Úkimetpen keńesetinin jetkizdi. Munyń ózi aqjarlyqtarǵa úlken úmit syılap, olar rızashylyqtaryn qol soǵýmen bildirdi.
Halyq jıynda jol, densaýlyq saqtaý, turǵyn úı, aýylsharýashylyǵy, sport salasyna qatysty qordalanǵan máselelerdi ashyp aıtty jáne saýaldaryna sol jerde tuymdy jaýap aldy.
Jıynda jergilikti jomart kásipkerler baspana surap kelgen, kóp jyl úısiz-kúısiz júrgen úsh anaǵa sol jerde páter alyp beretinin aıtyp qýantty.
Al belgili bapker Serjan Omarbekov aýyl balalaryn sportqa tartý máselesin kóterdi. Sport ǵımarattarynyń jetispeıtinin aıtty. Danıal Ahmetov bul máseleni birden sheship, qarjy bóletinin jetkizdi.
Jıynnan soń jurt jeke máseleleri boıynsha da oblys ákimimen jáne basqarma basshylarymen júzdesti.
Óńir basshysy berilgen tapsyrmalardy ózi baqylaýǵa alyp, Aqjarǵa taǵy da aınalyp soǵatynyn aıtty.
Altaınıýs
