Budan bylaı mınıstrler men ákimder halyqqa esep berý kezdesýlerin beınekonferenııa baılanysyn paıdalanyp, áleýmettik jelilerdegi resmı akkaýnttarda jáne aqparattyq ınternet-resýrstarda onlaın-translıaııa uıymdastyra otyryp ótkizetin bolady. Barlyq deńgeıdegi ákimder esep berý kezdesýin ótkizetinnen bir kún buryn jáne odan keıin azamattardy jeke qabyldaýlary kerek, dep jazdy Prezıdenttiń baspasóz hatshysy Berik Ýálı Facebook paraqshasynda.
QAÝLY ETEMIN:
1. «Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblıkasy Prezıdentiniń 2016 jylǵy 5 aqpandaǵy № 190 Jarlyǵyna (Qazaqstan Respýblıkasynyń PÚAJ-y, 2016 j., № 14, 53-qujat) mynadaı ózgerister engizilsin:
1 jáne 2-tarmaqtar mynadaı redakııada jazylsyn:
«1. Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister mınıstrlikterin qospaǵanda) basshylary jyl saıyn ekinshi toqsan ishinde óńirlermen beınekonferenbaılanysyn, áleýmettik jelilerdegi resmı akkaýnttarda jáne buqaralyq aqparat quraldary salasyndaǵy ýákiletti organ aıqyndaıtyn aqparattyq ınternet-resýrsta onlaın-translıaııa uıymdastyra otyryp, jurtshylyq ókilderimen esep berý kezdesýlerin ótkizsin, olardyń barysynda elde iske asyrylyp jatqan reformalar, əleýmettik-ekonomıkalyq damý, strategııalyq josparlardyń túıindi kórsetkishterine qol jetkizý men tıisti salalardy damytý jónindegi mindetter, olardyń problemalary men sheshý joldary týraly habardar etsin.
2. Barlyq deńgeıdegi ákimder jyl saıyn birinshi toqsan ishinde halyqqa esep berý kezdesýlerin ótkizsin, olardyń barysynda elde iske asyrylyp jatqan reformalar, óńirdi odan ári damytýdyń mindetteri men negizgi baǵyttary, problemalyq máseleler jáne olardy sheshý boıynsha josparlar týraly habardar etsin.
Esep berý kezdesýi áleýmettik jelilerdegi resmı akkaýnttarda onlaın-translıaııa jáne aýdan ortalyqtarymen jáne basqa da eldi mekendermen beınekonferenbaılanysyn (tehnıkalyq múmkindikterdi eskere otyryp) uıymdastyryla otyryp ótkiziledi.
Esep berý kezdesýi ótkizilýinen bir kún buryn jáne esep berý kezdesýi ótkizilgennen keıin azamattardy jeke qabyldaý ótkiziledi.
Esep berý kezdesýi ótkizilgenge deıin máslıhattar depýtattaryn, jurtshylyq, bıznes jáne buqaralyq aqparat quraldarynyń ókilderin tarta otyryp, tıisti qoǵamdyq keńesterdiń otyrystarynda oblystar, qalalar jáne aýdandar ákimderiniń esepterin tyńdaý ótkizilsin, olardyń barysynda ákim tıisti ákimshilik-aýmaqtyq birliktiń ótken jyldaǵy áleýmettik-ekonomıkalyq damýy, aýmaqtardy damytý baǵdarlamalarynyń túıindi kórsetkishterine qol jetkizý, óńirdi odan ári damytýdyń mindetteri men negizgi baǵyttary, óńirdiń áleýmettik-ekonomıkalyq damý basymdyqtaryn aıqyndaý bóliginde jergilikti bıýdjetterdiń jobalaryn qalyptastyrý proesi týraly habardar etedi.»;
5-tarmaqtyń 1) tarmaqshasy mynadaı redakııada jazylsyn:
«1) esep berý kezdesýleri ótetin kúnnen bir aı buryn ortalyq jəne óńirlik baspa buqaralyq aqparat quraldarynda, resmı ınternet-resýrstarda jəne «elektrondyq úkimettiń» veb-portalynda, onyń ishinde ashyq derekterdiń ınternet-portalynda, sondaı-aq áleýmettik jelilerdegi ortalyq atqarýshy organdardyń, ákimdikterdiń resmı akkaýnttarynda jáne mınıstrler men ákimderdiń jeke akkaýnttarynda esep berý kezdesýlerin ótkizý kestelerin jáne aldaǵy esep berýge halyqtyń suraqtary men usynystaryn joldaý tásilderi týraly aqparatty jarııalasyn;»;
6, 7-tarmaqtar mynadaı redakııada jazylsyn:
«6. Esep berý kezdesýleri jáne azamattardy qabyldaý aıaqtalǵan kúnnen bastap kúntizbelik on kúnnen keshiktirmeı esepterdi jáne olardy sheshý boıynsha tıisti sharalar qabyldaý merzimderin kórsete otyryp, esep berý kezdesýlerinde halyq kótergen problemalyq máseleler tizbesin:
ortalyq atqarýshy organdardyń basshylary jáne oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń, qaladaǵy aýdandardyń ákimderi tıisti memlekettik organnyń resmı ınternet-resýrstarynda;
aýdandyq mańyzy bar qalalardyń, aýyldyq okrýgterdiń, kentter men aýyldardyń ákimderi buqaralyq aqparat quraldarynda jáne bar bolǵan jaǵdaıda ákimder apparattarynyń resmı ınternet-resýrstarynda ornalastyrýdy qamtamasyz etsin.
7. Esep berý kezdesýlerinde halyq kótergen problemalyq máselelerdiń sheshilý barysy (problemalyq máseleler, oryndalý barysy) týraly aqparat toqsan saıyn, esepti kezeńnen keıingi aıdyń onynshy kúnine qaraı ortalyq atqarýshy organdardyń jáne oblystar, respýblıkalyq mańyzy bar qalalar, astana, aýdandar, oblystyq mańyzy bar qalalar, qaladaǵy aýdandar ákimderiniń, aýdandyq mańyzy bar qalalardyń, aýyldyq okrýgter, kentter jáne aýyldar ákimdikteri apparattarynyń ınternet-resýrstarynda ornalastyrylsyn. Qaladaǵy aýdandar ákimdikteriniń, aýdandyq mańyzy bar qalalar, aýyldyq okrýgter, kentter jáne aýyldar ákimderi apparattarynyń ınternet-resýrsy bolmaǵan jaǵdaıda problemalyq máselerdi sheshý barysy týraly aqparat jergilikti baspa basylymdarynda jarııalansyn.»;
12-tarmaqtyń 4) tarmaqshasy alyp tastalsyn;
12-tarmaqtyń 5) tarmaqshasy mynadaı redakııada jazylsyn:
«5) ortalyq atqarýshy organdardyń, ulttyq holdıngter men kompanııalardyń resmı ınternet-resýrstarynda ákimderdiń halyqqa esep berý kezdesýleriniń qorytyndysy boıynsha halyq kótergen máselelerdiń qatarynan óz quzyretine kiretin problemalyq máselelerdiń tizbesin toqsan saıyn ózektilendire otyryp ornalastyrýyn;».
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti Qasym-Jomart TOQAEV
