25 aqpandaǵy jaǵdaı boıynsha, koronavırýs Shveıarııa men Aljırde anyqtaldy, - dep habarlaıdy RIA Novostı.
"Koronavırýstyń alǵashqy belgileri rastaldy", - dep málimdedi shveıarııalyq Densaýlyq saqtaý mınıstrligi Twitter jelisindegi paraqshasynda. Blick basylymynyń málimetinshe, naýqas Italııamen shekaralas ornalasqan Tıchıno aımaǵynda anyqtalǵan.
COVID-19 tirkelgeni týraly Aljırdiń densaýlyq saqtaý mınıstri Abdýrrahman ben Býzeıd habarlaǵan. Onyń sózinshe, koronavırýs 17 aqpanda elge kelgen Italııa azamatynan anyqtalǵan.
"Naýqasqa medıınalyq kómek kórsetilip jatyr, ol karantınge jatqyzyldy", - dedi mınıstr.
Sondaı-aq, vırýs Germanııada da anyqtalǵan. Germanııada koronavırýs juqtyrǵandardyń jalpy sany - 18. Al Italııada koronavırýstan qaıtys bolǵandardyń sany 10-ǵa jetip, 322 adam aýrýhanaǵa jatqyzylǵan. Vırýs kóbine Lombardııa oblysynda anyqtalǵan. Koronavırýstan qaıtys bolǵandardyń kóbi egde jastaǵy adamdar.
Sońǵy málimetter boıynsha, Ońtústik Koreıada taǵy 169 adam koronavırýs juqtyryp, bir adam qaıtys bolǵan. Elde vırýs juqtyrǵandardyń jalpy sany - 1149 bolsa, qaıtys bolǵandardyń sany - 11.
