Mınıstr Turǵymbaev myrza, polıııa bizdi qoldaı ma, qorlaı ma?!

2952
Adyrna.kz Telegram

Keshe, 25 aqpanda qoǵam belsendisi Dýlat Aqádil tergeý abaqtysynda qaza tapty. Ishki ister mınıstrligi ókilderi bul qaıǵyly oqıǵany "júrek talmasynan qaıtys boldy" dep málimdedi.
Al Dýlat Aqádildi jarty táýlikteı ýaqyt qana buryn, ıaǵnı 24 aqpanda túngi saǵat 20:30-21:00 shamasynda úıine basa-kóktep kirip, zorlyqpen alyp ketkende sap-saý bolǵanyn áleýmettik jelidegi tarap ketken vıdeodan aıqyn kórýge bolady.
Osy vıdeoǵa qarasańyz, shoshısyz... Ishki ister mınıstri Turǵymbaevty qaıdam, olarǵa úırenshikti jaǵdaı shyǵar, qarapaıym el shoshıtyny anyq. Óıtkeni, qas qaraıa jetip kelip, bireýdiń jekemenshik úıine basa-kóktep kirgenderdiń tóseginde sheshinip alańsyz uıyqtap jatqan Dýlatqa apaı-topaı bas salýyna qarasań, Aqmola oblysy elınograd aýdany Ishki ister bólimi polıeıleri emes, qaskóı qaraqshylar sııaqty...
Polıeıler eshqandaı formasyz, aldaryna medıınalyq "jedel járdem" kóligin salyp alyp, ózderi jeke máshınemen jetip kelgen. "Jedel járdemdi" Dýlattyń densaýlyǵyna jany ashyp alyp kelmegen, "bala aýyryp qalyp, "jedel járdem" shaqyrdy" dep, úıdiń esigin aldap ashý úshin alyp kelgen. Dýlattyń uly Janbolattyń "Biz "jedel járdem" shaqyrǵan joqpyz, kórshi úı bolýy múmkin" dep esikti jaýyp alǵanyna qaramaı, esikti julyp ashyp, bas kıimderin basa kıip, betterin búrkemelep alǵan, qyzmet kýáligin kórsetpegen bóten adamdardy úıge kirgizgisi kelmegen jasóspirim Janbolatqa kush kórsetip, kýrtkasyn jyrtyp, úıge basyp kiredi. Tóseginde demalyp jatqan Dýlatqa kúsh qoldanyp, ish kıimimen jalańash esikke súırep alyp shyǵady. "Kıim kıgizbeısińder me?" degen aıqaı-shýdan soń ǵana kıimin kıgizýge májbúr bolady...
Dýlat Aqádildiń qazasyna baılanysty elordada Ishki ister mınıstrligi ǵımaratyna jınalǵan jurtqa túsinik bergen Ishki ister vıe-mınıstri, polıııa polkovnıgi Arystanǵanı Zaparov "Azattyq" radıosy tilshisiniń: "Polıııa nege formasyz barǵan?" degen suraǵyna: "Jedel ýákilder formasyz júre berýine bolady. Biraq qyzmet kóligin kórsetýi kerek jáne qyzmet kóligimen barýy tıis" dep jaýap berdi. Al elınograd aýdandyq Ishki ister bólimi tergeýshisi Saǵadıev te formasyz barǵan jáne jedel ýákilder Abbasov pen Ǵapparov ta formasyz barǵany bylaı tursyn, bul úsheýi de birinshiden, eshqandaı qyzmettik kýálikterin kórsetpegen. Ekinshiden qyzmet kóligimen emes, jeke kólikpen baryp alyp ketken.
Úshinshiden, bular sot qaýlysyn oryndaý úshin barǵan bolsa da, bireýdiń úıine tún jarymda basyp kirip, tóseginde jatqan otaǵasyn otbasynyń kózinshe jalańash súırep shyǵýy baryp turǵan Adam quqyn qorlaý ǵoı! Erteńine tańerteńgi jumys ýaqytynda zańdy formalarymen, qyzmet kóligimen barsa, Dýlat shetelge qashyp keter me edi?!. Halyq aldynda jurttyń sózin sóılep, ulttyń muńyn aıtyp, El men Jer taǵdyryn qozǵap júrgen atpal azamatty jubaıy men alty balasynyń kózinshe bulaı qorlaýǵa olarǵa kim quqyq berdi mınıstr Turǵymbaev myrza?!. Bizdiń polıııa bizdi qorǵaı ma, qorlaı ma?
Bul masqara kóriniske qarap otyryp, bizdiń polıııada, jalpy Ishki ister salasynda zań bar ma ózi dep oılaýǵa týra keledi...

Taǵy bir kóńilge kúmán týdyratyn túıtkildi másele - "Dýlat Aqádildi alyp ketkende
onyń orta dárejeli alkogol ishkeni medıınalyq saraptamamen anyqtaldy" degen senimsiz sóz. Al Dýlatty jaqsy bilip, tyǵyz aralasatyn jaqyn dostary men tanystary jáne otbasy men týǵan-týystary onyń ishpeıtinin, temeki de tartpaıtynyn aıtyp, "Bul ony qaralaý" dep vıdeo taratty.

Qazirgi kezde, qoǵam qyzýy onsyz da kóterilip turǵanda, aıdyń-kúnniń amanynda qoǵam belsendisin, arystaı azamatty túnde baryp úıinen zorlap alyp ketip, tańerteń "ol óldi" dep sýyq habar estirtý Dýlattyń otbasy men týǵan-týysy túgili búkil eldiń yzasyn burq etkizdi. Sondyqtan da keshe Nur-Sultan qalasynda Ishki ister mınıstrligine jınalǵan el eshkim jaýap berýge der kezinde shyǵa qoımaǵasyn, Táýelsizdik dańǵylyn jaýyp, olardy polıııa tórt avtobýspen alyp ketip, halyq narazylyǵy birazǵa sozyldy. Almaty men Shymkentte jáne tb qalalarda da el Ishki ister departamenti aldyna jınalyp, qatty narazylyq tanytty. Bul onsyz da el aldynda bedelden jurdaı (Almatydaǵy salafıt Kúlikbaevtyń qandy joryǵy, Qordaı qantógisinde polıııanyń dúngenderden taıaq jeýi, Aqtóbede bir qytaıdyń úsh polıeıge baǵynbaı balaǵattap ketýi tb) Ishki ister mınıstrligine ishi qazandaı qaınaǵan halyqtyń ashý-yzasyn týdyrýda.

Endi tek Ishki ister mınıstrligi men Bas prokýratýra bul qaıǵyly qazanyń sebebin ádil tekserip, kópshilikte kúmán qalmaýy úshin komıssııaǵa Dýlattyń týystary men qoǵam belsendilerin qatystyrýy tıis.
Bul jerge "Qarǵa qarǵanyń kózin shuqymaıdy" degen qasań qaǵıda júrmeıdi, ol isti odan saıyn asqyndyratynyn umytpaý kerek.

Artynda asyl jary men altyn asyqtaı alty balasy ańyrap qalǵan azamat, qoǵam qaıratkeri, áleýmettik ádildik úshin kúresken qaısar qazaq Dýlat Aqádildiń aldy peıish, arty kenish bolǵaı! Otbasyna, týǵan-týystaryna qaıǵyryp, kóńil aıtamyz. Urpaqtaryna Alla uzaq ǵumyr bergeı.
Imany salamat bolsyn.

Qazybek ISA,
QR Prezıdenti janyndaǵy Ulttyq Keńes múshesi

Pikirler