...Ol ekeumız bala kezden bırge östık. Üiımızdıŋ arasy da onşa qaşyq emes edı. Bır mektepte oqymasaq ta, bos uaqytta jūbymyz jazylmaityn. Eseie kele "qyzdy auyldyŋ itın ürgızıp", bırge jürgen künderımız qandai şuaqty edı. Arman quyp Almatyǧa attanǧanymda, ol auylda qaldy. Jürgızuşı bolyp, qala men auyldyŋ arasyndaǧy joldy bıraz tozdyrǧany bar. Söitıp jürıp Almatynyŋ bır aruyn auylǧa kelın ǧyp tüsırgende bärımız de quanǧan edık...Köp ūzamai jaisyz habar estıdım. Kelınşegı törkındep ketıp qaityp oralmapty. Üş ailyq säbi bırge ketıptı. Dos ışkılıkke salyna bastaǧan. Toqsanynşy jyldar edı ǧoi. Ol kezde kım araqqa salynbady deisız! Talai, talai atpaldai azamattarymyz osy bır ajdahanyŋ auzyna tüsıp, ajal qūşyp jatty emes pe! Dos ta solardan alysqa barmady. Auylda sendelıp jürıp, artynan äldebır qaŋǧybastardyŋ jetegınde ketıp, qala maŋyndaǧy saiajailarda özı de solardyŋ jolyna tüstı dep estıdık. Dostary qoldarynan kelgenın ıstedı. Tıptı, älgı äzäzılden emdeitın auruhanaǧa da jatqyzyp kördık. Bolmady. Az uaqyttan soŋ būrynǧy ädetıne qaita basatyn. Soŋǧy ret dostardyŋ nauryzǧa jaiǧan dastarhanynda kezdesıp edık. Auruhanadan şyqqan kezı bolsa kerek, tatyp almady.Otyrys qyzyp jatqan bır tūsta menı qapsyra qūşaqtap qūlaǧyma sybyrlady.
-Dosym-au, menıŋ bır armanym bar! Qyzymdy körgım keledı. Qandai bolyp östı eken?
-Densaulyǧyŋdy tüzep alsaŋ älı - aq köresıŋ. Tek jazylyp ketşı,-degenım de esımde. Ülgermedı. Arada az uaqyt ötkende qaraly habar estıdık. Aidaladan ölı denesın bıreuler tauyp alypty. Älgını köp ışıp qoiǧan desedı...
...Kabinetımde ädettegıdei jūmys ızdegenderdıŋ reziumelerın qarap otyrǧanmyn. Qasymda sport şoluşymyz
Amankeldı Seiıthan ärıptesım de bar edı. Bır kezde kezektı bır ömırbaiandy oqi berıp, jüregım dır ete tüstı. Öz közıme özım senbei qaita oqydym. Sol ǧoi, sol! Äkesınıŋ aty- jönın, özınıŋ kışkentai kezınde anasymen ajyrasyp ketkenın jasyrmai jazypty. Qyz bala eken . Taǧdyr degendı qoisaişy! Dosymnyŋ ömır boiy saǧynyp ötken qyzy menıŋ aldyma keler dep kım oilaǧan? Erteŋıne ümıtkerlermen äŋgımelesu barysynda özın de kördım-au. Qairan dostyŋ auzynan tüskendei bolyp, montiyp otyr. Bıraq, erte eseigen, ömırdıŋ özı şiryqtyrǧan qyz ekenı bırden baiqalady. Qandai saualǧa bolsa da müdırmesten jauap beredı. Jūmysqa qabyldauşylarǧa da bırden ūnady.
...Men ol qyzdy qazır de körıp qalamyn. Qaşan körsem aǧalap tūrǧany. Bıraq "men äkeŋniŋ dosymyn" dep aita almadym. Eşqaşanda aita almaityn da şyǧarmyn. "Qaida? " dese ne deimın? Anau äzäzıldıŋ qūrbany boldy dep qalai aitamyn? Qiialyndaǧy äkenıŋ sol biık qalpynda qalǧany da dūrys şyǧar. Qairan dos-au, osy bır jauqazyndai jainaǧan qyzdyŋ maŋdaiynan iıskep, myna ömırdıŋ rahatyn körıp jüretın jönıŋ bar edı ǧoi. Ätteŋ-ai! Ätteŋ...
Arman Sqabylūly, 2014 jyl.Almaty.
