Altyn ordanyń 750 jyldyǵyna arnalǵan Isa Baızaqov atyndaǵy Pavlodar oblystyq fılarmonııasynyń
«Altyn Orda» atty konerti dúrkirep ótti.
Ertis - Baıan ólkesiniń ónersúıer qaýymyna erekshe kóńil kúı syılaǵan kesh, Táýelsizdik jolyndaǵy tarıhı oqıǵalarǵa, sonyń ishinde, Qazaq memlekettiliginiń bastaýy sanalatyn Altyn Ordanyń 750 jyldyǵyna arnalǵan. Isa Baızaqov atyndaǵy Pavlodar oblystyq fılarmonııasynyń merekelik konertiniń shymyldyǵyn Rústembek Omarov atyndaǵy qazaq ult aspaptar orkestri (bas dırıjeri ári kórkemdik jetekshisi QR Eńbek sińirgen qaıratkeri Talǵat Kárimov) ashty. Tamasha shyǵarmany bımen súıemeldegen «Shernııaz»bı ansambli ( Kórkemdik jetekshisi – Nurlan Bekov).
Árbir ólkeniń halqyna sýyqta pana, ystyqta saıa bolǵan, esimderi el esinde saqtalǵan birtýar perzentteri bar. Bizdiń ólkede de kindik qany tamǵan tanymal uly dala talanttary, qazaq mýzyka óneriniń shoq juldyzdary, asa daryndy aqyn, ánshi kompozıtor, jerlesterimiz, Estaı, Jaıaý Musa, Isa, Maıra esimi elimizge keńinen tanymal, dúldúl aqyndar men óner tarlandary dúnıege kelgen. Solardyń izin jalǵaǵan dástúrli ánshi, Qazaqstan Respýblıkasynyń Eńbek Sińirgen qaıratkeri Erbol Aıtbaev, halyqaralyq baıqaýlardyń laýreattary: Ásel Botaeva, Janbolat Baısoltan, Sáýle Músipovalar keshtiń shyraıyn kirgizdi.
Serik Rysbek, Rýslan Jumabaev, Jibek Aıtbaeva, Ámıná Rahymjanova syndy ónerpazdar qatysqan konert joǵary deńgeıde ótti. Bıyl 750 jyldyǵy toılanyp jatqan Altyn Ordanyń mereıtoıyn jurttyń aldy bolyp Kereký óńiri toılaı bastady.
Sáýle Muqaeva,
Pavlodar qalasy
