Senator Tótenshe jaǵdaılar komıteti óz aldyna mınıstrlik bolý kerek dep esepteıdi
Búgin Parlament Senatynda ótken Úkimet saǵatynda Ishki ister organdaryn reformalaýǵa arnalǵan 2019-2021 jylǵy jospar týraly talqylandy. Otyrysty júrgizgen Senattaǵy Halyqaralyq qatynastar jáne qorǵanys komıtetiniń tóraǵasy Muhtar Qul-Muhammed Ishki ister mınıstrligi jumysyn synǵa aldy. Aıtýynsha, vedomstvo jumysynyń durys júrmeýine jıi bolatyn qurylymdyq ózgerister keri áserin tıgizip otyr.
«Ókinishke qaraı, elimizde Úkimet quramynda bolatyn jıi-jıi ózgeristerdiń nátıjesinde osy mınıstrlik jumysy keıingi kezde baıaýlaı túsken sıpaty bar. 2002 jyly Ishki ister qurylymynyń quramynan qylmystyq atqarý júıesi alynyp, ol Ádilet mınıstrliginiń quramyna berildi. Biraq bul durys nátıje bergen joq. Sóıtip ony qaıtadan Ishki ister mınıstrligi quramyna qaıtarýǵa týra keldi. Sondaı-aq túrli qujattardy tirkeý, halyqpen jumys isteý sııaqty qyzmet atqaratyn komıtet boldy. Ony da 2005 jyly Ádilet mınıstrligi quramyna berdik. Bul da nátıje bermeı, ózine qaıtaryp berdik», - dedi ol.
Senator jumys júıeli júrý úshin Tótenshe jaǵdaı komıtetin óz aldyna mınıstrlik etý kerek dep esepteıdi.
«Kóptegen memleketterde jeke mınıstrlik bolyp otyrǵan Tótenshe jaǵdaılar degen organ bar. Qazaqstan jer kólemi boıynsha álemde 9 orynda deıtin bolsaq, mundaı úlken memlekette tótenshe jaǵdaılar jónindegi organnyń da jeke dara mınıstrlik bolýǵa tolyq quqy bar. Ázirge bul sala Ishki ister mınıstrliginiń quramynda», - dedi ol.
"Azattyq rýhy"
