Aqmola oblysyna qarasty elınograd aýdanynyń turǵyndary aýdan ákimi Malǵajdar Sattarulymen jer úshin sottasyp jatqandaryna úsh jyldan asqan. Shaǵymdanýshylardyń avdokaty Tursyn Tólegenovanyń aıtýynsha, ákim turǵyndarǵa paı esebinen berilgen sharýa ýchaskelerin depýtat Vladımır Bojkonyń ulyna zańsyz berip otyrǵan kórinedi. Bul týraly "Azattyq rýhy" habarlaıdy.
Orazaq aýylynyń turǵyndary 1998 jyly zańǵa sáıkes bos jatqan sharýashylyq jerlerin paı retinde alǵan.
«Orazaq aýylynyń turǵyndaryna jan basyna 14,5 gektar jerden tıgen. Sonda bir otbasynda – 100, endi bir otbasynda – 200 gektarǵa deıin jer bar. Olar jer úshin adam basyna jylyna bir ret dıvıdend alyp otyrady. Onyń ózi 20-30 myń teńgeniń kóleminde. Osy jerdi elınograd aýdanynyń ákimi turǵyndardan tartyp alyp, depýtat Valdımır Bojkonyń ulyna berip otyr», - deıdi Azattyq Ruhy tilshisine shaǵymyn aıtqan advokat.
Sharýalardyń jerin alǵan Maksım Bojko «Aqmola Fenıks» qus fabrıkasynyń basshysy. Kishi Bojkonyń qus fabrıkasynan bólek, birneshe kásibi bar.
«Maksım Bojko elınograd aýdanynyń ákimimen kelisip, turǵyndardyń paıyna berilgen jerdiń bárin ıemdenýde. Ol jer ýchaskelerin 10 jylǵa jalǵa zańsyz alǵanymen qoımaı, ony basqa adamdarǵa jalǵa ótkizip, ústinen taǵy paıda kórip otyr. Bul az deseńiz, atalǵan ýchaskelerdi kepildikke qoıyp, jarty mıllıard teńge nesıe alǵan», - dedi advokat.
Tólegenovanyń sózinshe, Azamattyq kodekste jer ıeleri zardap shegetin bolsa, onda jalǵa alýshylar sharýa shyǵyndaryn tolyqtaı óteýi tıis ekeni jazylǵan. Ákimniń ústinen aryzdanýshylardyń uzyn sany 22 adamdy qurap otyr.
«Dıvıdend retinde jerinen eshteńe ala almaı otyrǵan 22 sharýanyń atynan sotqa shaǵym berdik. Keltirilgen shyǵyn 4,5 mıllıon teńgeni quraıdy. Sotqa ákim men Bojkonyń ókilderi qatysyp jatyr. elınograd aýdany men Kókshetaý oblystyq soty alǵashqyda ákimniń paıdasyna sheshildi. Keıinnen baryp sot isimizdi qaıta qarady», - deıdi Tólegenova.
2017 jyly sharýalardyń advokaty Tursyn Tólegenova «Qazaqstan» telearnasyna sýdıalar qatysqan baǵdarlamaǵa spıker retinde shaqyrylypty. Telearna efırin paıdalanǵan zańger Orazaq aýyly turǵyndarynyń jaı-kúıin sýdıalarǵa jaıyp salǵan. Efırden bir aı ótken soń Aqmola oblystyq soty sharýalardyń shaǵymyn qaıta qarap, ákimniń isin «zańsyz» dep tanyǵan.
«Ákimge jerdiń zańsyz berilip otyrǵanyn dáleldedik. Biraq ol sot sheshiminde jerdi qaıtarý týraly sóz jazylmaǵan degendi alǵa tartyp, jerdi áli qaıtarmaı otyr. Ákimniń ata-zańdy syılamaǵany bylaı tursyn, ol óz halqymen sottasyp otyr. Munda sybaılas jemqorlyq ta bar. Bojkodan alǵan aqshasyn qaıtarǵysy kelmeı otyrǵany anyq», - dep kúıindi avdokat.
Aıta ketetini, 24-25 aqpanda elınograd aýdanynda atalǵan is boıynsha qos birdeı sot otyrysy ótedi.
Aıjan Qalıeva,
Nur-Sultan
