Äbışev pen Tükeev ısıne nükte qoiyldy

Alty aiǧa sozylǧan 30 tomnan tūratyn Äbışev pen Tükeev  ısıne bügın nükte qoiyldy. Sot Äbışevtı 5 jylǧa,  Tükeevtı  4 jylǧa bas bostandyǧynan aiyrdy. Prokuror sot barysyndy Äbışevke 11 jyl, Tükeevke 8 jyl sūraǧan. «İslam Äbışev ūzaq jyldar boiy būrynǧy Oŋtüstık Qazaqstan oblysy äkımınıŋ orynbasary bolǧan. Keiın Öskemen qalasynyŋ äkımı qyzmetın atqardy. Sondai-aq ol memlekettık marapattardyŋ da iegerı ekenın eskerıp bes jylǧa bas bostandyǧynan airyldy»,-dedı sudia. Sondai-aq, sudia Serık Tükeevtıŋ qazaq küresıne sıŋırgen eŋbegın, sport salasyndaǧy jetıstıkterın eskerıp tört jylǧa bas bostandyǧynan şektelgenın qosa aitty. Eske salsaq, byltyr 16 nauryzda İslam Äbışev pen «Qazaq küresı düniejüzılık federasiiasy» halyqaralyq qoǧamdyq bırlestıgınıŋ vise-prezidentı Serık Tükeev merdıger kompaniiadan 60 mln teŋge para aluǧa oqtalǧan degen küdıkpen uaqytşa qamauǧa alynǧan. Al 16 qyrküiekte Bas prokuratura atalǧan faktını rastap, ıs sotqa joldandy. Būǧan deiın, sottaluşylardyŋ advokattary sybailas jemqorlyqqa qarsy ıs-qimyl agenttıgı İ.Äbışevtıŋ tuystaryna, sudialarǧa jäne qorǧauşylardyŋ özderıne qysym körsetıp, sot nätijesıne äser etkısı keletının aitqan bolatyn. Sotqa keluşıler būl ükımge, «ädılettılık joq jerde bärı küireidı» dep narazylyq tanytty. Advokattar sot ükımımen kelıspeitınderın alǧa tartyp,  appeliiasiiaǧa beretınderın aitty.