Koronavırýs tabylyp, Japonııa jaǵalaýynda karantınge turyp qalǵan kemede Qazaqstannyń tórt azamaty: 8 jáne 12 jastaǵy nemerelerimen 2 áıel otyr. Bul aqparatty Azattyq tilshisine syrtqy ister mınıstrliginiń baspasóz hatshysy Aıbek Smadııarov aıtty.
Aıbek Smadııarovtyń aıtýynsha, "olarmen Qazaqstannyń Japonııadaǵy konsýldyǵy kún saıyn sóılesip otyr, densaýlyqtary jaqsy, shaǵymdary joq".
- Keshe konsýlmen habarlastym. Qazaqstannyń 4 azamaty analız tapsyrǵan. 19 aqpanda karantın bitedi. Kemedegi 30 myńnan astam jolaýshyny karantınnen bosatý proesi birer kúnge sozylýy múmkin. Kemeden túsken sońy taǵy bir ret tekseriledi,- dedi ol.
Keshe Qazaqstan densaýlyq saqtaý mınıstrliginiń bas ınfekıonısi Dınagúl Baesheva Japonııa jaǵalaýynda turǵan Diamond Princess laınerinde Qazaqstanyń 4 azamaty baryn, olarmen WhatsApp arqyly udaıy habarlasyp otyrǵandaryn, aralarynda balalar joq ekenin" aıtqan.
Aıbek Smadııarov Dınagúl Baesheva taratqan aqparatty "eskirgen málimet" dep sanaıdy.
Japonııa jaǵalaýynda turǵan Diamond Princess laınerinde 5 aqpanda bir adamnan koronavırýs tabylyp, karantınge jabylǵan. Keme ishinde 50 elden 3700 adam bolǵan. 17 aqpandaǵy derek boıynsha, krýızde 454 adamnyń koronavırýs juqtyrǵan.
16 aqpandaǵy málimetke qaraǵanda, qazir álemde koronavırýs juqtyrǵandar 70 myńnan, qaza bolǵandar 1700-den asqan. Olardyń kóbi Qytaıda. Ortalyq Azııa elderinde koronavırýs juqtyrǵandar joq.
"Azattyq" radıosy
