Almatyda terakt uıymdastyrýǵa daıyndalǵan eki adam ustaldy - UQK

276

UQK Almatyda destrýktıv dinı aǵymyn ustanatyn eki adamdy ustady,- dep habarlaıdy Tengrinews.kz tilshisi komıtettiń saıtyna silteme jasap.

"2020 jylǵy 14 aqpanda Qazaqstan Respýblıkasy UQK jedel-izdestirý is-sharalaryn uıymdastyrý nátıjesinde Almaty qalasynda destrýktıv dinı aǵymnyń 2 ustanýshysyn ustap, sot sankııasymen qamaýǵa aldy.

Olardyń mekenjaılary boıynsha tergeý is-qımyldaryn júrgizý barysynda qoldan jasalǵan jarylǵysh qurylǵy, ony jasaýǵa arnalǵan quramdas bólikter, sýyq qarý, shabýyldaý kózdelgen obektilerdiń foto jáne beıne túsirilimderi bar smartfondar alyndy", - delingen UQK habarlamasynda.

Komıtet málimetinshe, olarǵa qatysty terrorızm aktisine daıyndalý (QR Qylmystyq kodeksiniń 255-baby) jáne terrorızmdi nasıhattaý (QR Qylmystyq kodeksiniń 256-baby) faktileri boıynsha qylmystyq ister qozǵaldy.

Tergeý materıaldary boıynsha, qamaýǵa alynǵandar respýblıka aýmaǵynda, sonyń ishinde adamdar kóp shoǵyrlanǵan oryndarda terrorıstik aktiler daıyndaǵan.

UQK málimetinshe, tergeý jalǵasyp jatyr.

Pikirler