Túrkistan oblysy ákiminiń esebine barǵan jýrnalıst ózin polıııanyń ustap áketkenin habarlady

757
Túrkistan oblysynyń ákimi Ómirzaq Shúkeevtiń halyqqa esep berý jıyny. Túrkistan, 14 aqpan 2020 jyl.

Amangeldi Batyrbekovtiń Azattyqqa aıtýynsha, esep ótip jatqan zalǵa kireıin dep jatqanda Saryaǵash aýdandyq polıııa basqarmasynyń qyzmetkerleri belgisiz sebeppen kúsh qoldanyp, polıııa avtobýsyna salyp alyp ketken. Polıııa ózinen bólek taǵy birneshe adamdy ustaǵan.

Jýrnalıstiń ózi birneshe ret Facebook-ta tikeleı efırge shyǵyp, birinde ózin polıııanyń avtobýstan shyǵarmaı otyrǵanyn, taǵy birinde kólikpen belgisiz jaqqa apara jatqanyn habarlady.

"Qurmetti Toqaev myrza! Bul qandaı memleket? Bul ne degen adam quqyǵyn taptaý? Myna tirlikti qolǵa alý kereksiz. Bul oblys ákiminiń arnaıy tapsyrmasymen istelgen dúnıe me? Álde muny polıııa istep otyr ma? Buny qalaı túsinýge bolady? Biz tutqynbyz ma?" dedi jýrnalıst vıdeojazbalarynyń birinde.

14 aqpanda tús kezinde Azattyq tilshisi Saryaǵash aýdandyq polıııa bóliminiń basshysy Áset Ibragımovke habarlasyp, jýrnalıstiń ustalýyna baılanysty túsinikteme suraǵan edi. Ol oqıǵadan habarsyz ekenin, "jınalysta otyrǵanyn" aıtty. Al Túrkistan qalalyq polıııasy ázirge jaýap bermedi.

Túski birler shamasynda polıııanyń Batyrbekovti Shymkentke apara jatqany belgili boldy. Onyń ne úshin ustalǵany belgisiz.

Amangeldi Batyrbekov - "Jala jabý" jáne "Qorlaý" baptary boıynsha isti bolyp, jaqynda aqtalǵan táýelsiz jýrnalıst. Ol aımaqtaǵy jemqorlyq sııaqty qoǵamdyq mańyzdy máselelerdi kóterip, maqala jazady. Qazir Túrkistan oblystyq sotynda jýrnalıstiń Facebook-tegi jazbasyna baılanysty "Qorlaý" baby boıynsha taǵy bir sot jalǵasyp jatyr.

Resmı BAQ-tyń habarlaýynsha, ákimniń esep berý jıynyna 700 turǵyn qatysqan.

"Azattyq" radıosy

Pikirler