El ıesi, jer ıesi kim? - dese,
Aıt olarǵa, sal esine bilmese.
Alty qarys azýlaryn aqsıtyp,
Abadandar jortqan meken bul keshe!
Óz elińde ózgelerge qul bolma,
Saǵyń synsa shańyraqqa bir qara.
Qasaryssa qasqyr minez tanytqan,
Has uldaryn umytqan joq bul dala!
Er uldary bes qarýly túrkiniń,
Alty alashtyń jamaý kerek jyrtyǵyn.
Jumyr basy ıyǵynan túskenshe,
Bahadúrler qamyn jegen jurtynyń.
Qara shaldyń shalǵysyndaı shyńdaǵan,
Azamattyń ór namysy synbaǵan.
Altyn sapty qylyshyndaı jurtynyń,
Arystaryn umytpasyn bul qoǵam!
El ıesi, jer ıesi kim?- dese,
Aıt olarǵa, sal esine bilmese.
Alty qarys azýlaryn aqsıtyp,
Abadandar jortqan meken bul keshe!!!
