Qordaıdaǵy qaqtyǵysqa baılanysty oqıǵa ornyna attanǵan tilshimiz Ońǵar Qabdenniń aıtýynsha, ustalǵandardyń basym bóligi qazaq balalary.
Bul aqparatty birqatar BAQ ókilderi de jarysa jazyp jatyr. Máselen, Qamshy.kz portalynyń málimdeýinshe, tipti «polıııa qyzmetkerleri 78 jastaǵy qarııa men onyń uldaryn uryp-soqqan dúngenderdi jazalamaǵan. Bul týraly atalmysh portalǵa Qordaıdaǵy qaqtyǵystan zardap shekken 78 jastaǵy qarııanyń uly Nurlan Tólegenuly aıtqan.
«Bizdi soqqyǵa jyqqan dúngenderdi qamaýǵa almady. Aýdandyq ishki ister bólimine barǵan kezde dúngenniń advokatyn kórdim. Qazaq áıeli álgi dúngenderdiń qorǵaýshysy eken. Ol maǵan "men bulardan bólek basqa da dúngenderdi qorǵap, shyǵaryp alǵanmyn" dep aıtty. Advokattyń aty-jónin bilmeımin. Aýdandyq ishki ister bóliminde maǵan birneshe suraq qoıdy. Birazdan soń advokat ákemniń qaıda ekenin surady. Keıin ákemmen sóılesti. Meni eshqaıda shyǵarmady. Suransam 5 mınýtqa ǵana syrtqa shyǵýyma bolady. Al álgi dúngen bolsa emin-erkin kirip-shyǵyp júredi. Sonda olarǵa zań joq bolyp tur ǵoı. Keıin túngi 01:00-ge deıin bizdi ustap, suraq qoıdy. Álgi dúngenderdi bosatyp jiberdi. Tańerteń ertemen aýdandyq ishki ister bólimine baryp, dúngen jigittiń qaıda ekenin surasam, sol jerdegiler "bilmeımin" dep qysqa qaıyrdy. Aýdandyq ishki ister bólimi basshysynyń orynbasary "búgin úsheýin de qamaýǵa alamyn, tórtinshisi joq" dep moıyndamaı qoıdy. Al men tórtinshi dúngendi sıpattap jazyp bergenmin. Biraq áli taba almaǵan, – degen Nurlan Tólegenuly.
Qamalǵandardyń aıtýynsha, olarǵa qorǵaýshylar berilmegen. Qazaq tildi advokattardyń qajettigi de aıtylyp jatyr.
"Adyrna" ulttyq portaly
