Qordaidaǧy qaqtyǧysqa bailanysty oqiǧa ornyna attanǧan tılşımız Oŋǧar Qabdennıŋ aituynşa, ūstalǧandardyŋ basym bölıgı qazaq balalary.
Būl aqparatty bırqatar BAQ ökılderı de jarysa jazyp jatyr. Mäselen, Qamshy.kz portalynyŋ mälımdeuınşe, tıptı «polisiia qyzmetkerlerı 78 jastaǧy qariia men onyŋ ūldaryn ūryp-soqqan düngenderdı jazalamaǧan. Būl turaly atalmyş portalǧa Qordaidaǧy qaqtyǧystan zardap şekken 78 jastaǧy qariianyŋ ūly Nūrlan Tölegenūly aitqan.
«Bızdı soqqyǧa jyqqan düngenderdı qamauǧa almady. Audandyq ışkı ıster bölımıne barǧan kezde düngennıŋ advokatyn kördım. Qazaq äielı älgı düngenderdıŋ qorǧauşysy eken. Ol maǧan "men būlardan bölek basqa da düngenderdı qorǧap, şyǧaryp alǧanmyn" dep aitty. Advokattyŋ aty-jönın bılmeimın. Audandyq ışkı ıster bölımınde maǧan bırneşe sūraq qoidy. Bırazdan soŋ advokat äkemnıŋ qaida ekenın sūrady. Keiın äkemmen söilestı. Menı eşqaida şyǧarmady. Sūransam 5 minutqa ǧana syrtqa şyǧuyma bolady. Al älgı düngen bolsa emın-erkın kırıp-şyǧyp jüredı. Sonda olarǧa zaŋ joq bolyp tūr ǧoi. Keiın tüngı 01:00-ge deiın bızdı ūstap, sūraq qoidy. Älgı düngenderdı bosatyp jıberdı. Taŋerteŋ ertemen audandyq ışkı ıster bölımıne baryp, düngen jıgıttıŋ qaida ekenın sūrasam, sol jerdegıler "bılmeimın" dep qysqa qaiyrdy. Audandyq ışkı ıster bölımı basşysynyŋ orynbasary "bügın üşeuın de qamauǧa alamyn, törtınşısı joq" dep moiyndamai qoidy. Al men törtınşı düngendı sipattap jazyp bergenmın. Bıraq älı taba almaǧan, – degen Nūrlan Tölegenūly.
Qamalǧandardyŋ aituynşa, olarǧa qorǧauşylar berılmegen. Qazaq tıldı advokattardyŋ qajettıgı de aitylyp jatyr.
"Adyrna" ūlttyq portaly
https://youtu.be/OwfwBJmVgyo
