Qazir Qordaıdaǵy qaqtyǵys qyzý talqyǵa túsip turǵan sát. Resmı, beıresmı aqparatar qarsha borap, qarapaıym halyqqa aq pen qarany ajyratý da qıyndaý bolyp tur. Kesheli beri Qordaı aýdanyna birqatar BAQ ókilderi bardy.
«Adyrna» ulttyq portalynyń tilshisi Ońǵar Qabden de oqıǵa ornyna baryp, shynaıy aqparattar berip otyr.
Tilshimizdiń aıtýynsha, qazir keshegi qaqtyǵysta ustalǵandardy bosata bastaǵan. Oqıǵa ornynda arnaıy jasaq, qaýipsizdik qyzmetkerderi jumystaryn jalǵastyrýda. Qamaýdan bosap shyqqandardyń arasynda tilshimizge suhbat bergender de bolǵan.
«Aýqatty aýylynan 36 bala qamaldyq. Qordaıdan 47 bala qamaldy. Halyqqa rahmet. Bizge kómektesti. 12 saǵat qamalyp otyrdyq. Eshqandaı qorǵaýshy berilmedi. Aramyzda jan-jaqtan kelgen jigitter boldy. Shymkent, Almaty, Tarazdan, Qyzylorda, Jarkent, Merkiden azamattar keldi. Halyqqa rahmet»,-deıdi Nurbol Álmahanbet.
Tilshimizge suhbat bergen Qarakemer aýylynyń turǵyndarynyń aıtýynsha, qazaqtar dúńgendermen bulaı qaqtyǵysý týraly oılamaǵan.
«Qazaqtar dúńgendermen sóılesýge eshqandaı daıyndyqsyz barǵan. Olar tóbelesemiz dep oılamaǵan, jáı tildesýge barǵan. Olardyń qolynda kúrek, tas bolsa, dúńgenderdiń qolynda myltyq, avtomat boldy. Olar atty, túni boıy atty. Eger kómektespegende jan-jaqtan kelmegende munyń arty qandaı bolar edi?! Dúńgender «meshitke baramyz, ımandymyz» deıdi. Ol ótirik, adamshy sóz. Bizdiń qarýsyz júrgen balalarymyz qamaldy. Al myltyq ustaǵan olar qamalǵan joq, qashyp júr. Bulardy kóshirý kerek» ,- deıdi Qarakemer aýylynyń turǵyndary.
Eske salaıyq, 7 aqpanda keshki saǵat 19:00-de Jambyl oblystyq polıııa departamentine "Qordaı aýdanynyń Masanchı aýylynyń janynda 70-ten astam adam tóbelesip jatyr" degen aqparat túsken. Zańsyz áreketterdi toqtatý úshin dereý polıııa qyzmetkerleri jiberiledi. Sol jerde bolǵan adamdar tóbelesti vıdeoǵa túsirip, áleýemettik jeli arqyly taratqan.
Sonyń saldarynan jaqyn jerdegi Aýqatty jáne Bulan batyr aýyldarynan kelgen 300-den astam azamat tóbeleske qosylady. Eki jaq bir-birine tas laqtyryp, taıaqpen urǵan. Tipti, qarý da qoldanǵan. Saldarynan 8 adam qaza boldy. 40-tan astamy jaraqat aldy. Olardyń ishinde oq tıgen eki polıeı bar.
Jappaı tóbelestiń arty tártipsizdikterge ulasqan. Qazirgi málimetke sáıkes, 30-dan astam jeke úı, 15 saýda úıi men 23 kólik zaqymdandy.
Ishki ister mınıstrligi 47 adam ustalǵanyn habarlady. Sotqa deıingi tergeý sharalary qylmystyq kodekstiń 272-baby (jappaı tártipsizdikterdi uıymdastyrý jáne qatysý) men 99-baby (adam óltirý) boıynsha júrgizilip jatyr.
Qarlyǵash ZARYQQANQYZY,
"Adyrna" ulttyq portaly
