Qazaqstan halqy Assambleiasy Jambyl oblysy, Qordai audanyndaǧy oqiǧaǧa qatysty resmi mälımdeme taratty. Assambleia qazaqstandyqtardy aşuǧa boi aldyrmauǧa şaqyrdy.
QHA Masanşy kentındegı qaqtyǧysta qaza bolǧandardyŋ otbasy men jaqyndaryna köŋıl aitty jäne zardap şekkenderdıŋ tezırek sauyǧyp ketuın tıledı. Būǧa qosa assambleia qazaqstandyqtardy qaqtyǧystyŋ saldaryn joiuǧa baǧyttalǧan küş-jıgerdı qoldauǧa, Prezidenttıŋ tapsyrmasyn oryndauǧa jan-jaqty qoldau körsetuge şaqyrdy.
«Assambleia müşelerı barlyq kınälıler zaŋǧa säikes anyqtalyp, jazalanuy kerek degen ortaq pıkır aitady. Sondyqtan bügıngı künnıŋ eŋ maŋyzdy mındetı - arandatuşylyqqa boi aldyrmau, jekelegen adamdar jasaǧan zaŋsyzdyqtar üşın barlyq ūlttardy aiyptauǧa jol bermeu kerek» delıngen mälımdemede.
Assambleia halyqtyŋ danalyǧyna senım bıldırıp, bızdıŋ azamattarymyzdy, äsırese jastardy eldegı beibıtşılık pen kelısımdı būzatyn jäne özderıne ziian keltıretın öreskel sözder men äreketterden aulaq boluǧa şaqyrady.
«Bız Qazaqstan halqy ärqaşan bır-bırımen bauyrlastyq qatynastardyŋ ülgısı bolǧan jäne bola beretınıne senımdımız.Balalarymyzdyŋ ortaq bolaşaǧy üşın bız etnikalyq arazdyqty qozdyruǧa jol bermeuımız kerek. Bız azamattardy jalǧan qauesetterge boi aldyrmauǧa, qoǧamdyq qauıpsızdık pen adamdardyŋ tynyştyǧyn qamtamasyz etuge qūqyq qorǧau organdaryna kömektesuge, elımızde beibıtşılık pen tynyştyqty saqtauǧa şaqyramyz », - delıngen habarlamada.
"Adyrna" ūlttyq portaly
