"Halyqqa jaqsylyq jasap jatyrmyz": Búrkit pen Qaraqat jańa talapqa qatysty pikir aıtty

2574
Adyrna.kz Telegram

Májilis depýtattary búgin lotereıa týraly zań jobasyn birinshi oqylymda maquldady. Oǵan sáıkes, endi arnaıy lıenzııasyz áleýmettik jelilerde lotereıa ótkizýge tyıym salynady. Al bul talapty oryndamaǵandarǵa 5 mıllıon teńgege deıin aıyppul salynady. Sputnik Qazaqstan tilshisi Instagram jelisinde lotereıa ótkizip júrgen ánshi-ártisterdiń jańa zań jobasyna qatysty pikirin bildi.

"Lotereıadan barlyǵy baqytty bolady"

Tanymyl ánshi Búrkit óziniń Instagram paraqshasy arqyly lotereıanyń ekinshi legin oınatyp jatyr. Buǵan deıin ol án jınaqtyń elektrondy nusqasyn 10 myń teńgege satyp, páter, kólik pen júzdegen turmystyq zattardy oınatsa, osy joly týra sondaı syılyqtardy utysqa tigip otyr. Al lotereıaǵa shekteý qoıylsa, halyq osyndaı múmkindikten aıyrylady deıdi.

"Menińshe, ol durys emes. Ol zańmen onsha kelispeımin. Biz óz lotereıamyzdy ashyq ótkizemiz. Halyqqa barynsha jaqsylyq jasaýǵa tyrysyp jatyrmyz. Osy joly bes adam avtokólik ıesi, Nur-Sultan qalasynda bes páterdiń ıesi bolady. Ol jaman ba? Árıne, jaqsy. Qazirdiń ózinde úkimet te páterdi ásheıin berip jatqan joq qoı. Al bizde 10 myń teńgeni tigedi de, bir páterdi uta salady. Bul lotereıadan barlyǵy baqytty bolady", - dedi Búrkit Sputnik Qazaqstan tilshisine bergen suhbatynda.

Ánshiniń aıtýynsha, búginde onyń jıeni de Almatyda páter ala almaı júr.

"Ózi alǵysy kelip otyr. Kishkene aqshasy bar, biraq jetpeı jatyr. Mysaly, ol lotereıadan páter utyp alsa, qandaı jaqsy bolar edi. Týysqandarynyń bári qýanatyn edi. Biraq bizdiń lotereıamyzǵa qatysyp jatyr ma, joq pa, onysyn bilmedim. Bılet alǵan shyǵar. Maǵan aıtqan joq", - dep atap kórsetti ol.

"Bul lotereıa emes"

Ánshi Qaraqat Ábildına 5 myń teńgeniń shulyǵyn satyp, halyq arasynda páter men kólikti oınatqaly jatyr. Onyń aıtýynsha, bul lotereıa emes.

"Men marketıngtik mega-akııa ótkizip jatyrmyn. Bul óz óndirisim, bireýdiki emes. Óz baspanam, óz "podpıschıgim", bári zańdy. Biz zań aıasynda ǵana qımyldap otyrmyz. Otandyq ónimdi nasıhattaý maqsatynda uıymdastyrylyp jatqan marketıngtik mega-akııa. Biz zańgerlermen aqyldastyq. Bul joba zańǵa qaıshy emes", - dedi Ábildına Sputnik Qazaqstan tilshisine bergen suhbatynda.

Ánshi "bir japyraq qaǵazǵa nómir soǵyp, onymen bárin bylyqtyryp jatpaǵanyn" da jetkizdi. Sondyqtan lotereıa men mega-akııanyń ara-jigin ajyratý qajet deıdi.

"Bul – lotereıa emes. Mysaly, úlken saýda ortalyqtary ótkizetin utystar bolady ǵoı. Azyq-túlikti belgili bir somaǵa satyp alsańyz, utysqa qatysa alasyz. Osyndaı marketıngtik tásilder jasalady. Eshkimdi qınamaıdy. Bizdiki de sondaı. Shulyq jasqa da, kárige de, qysta da, jazda da qajet. Adam shulyqsyz júrmeıdi", - dep atap kórsetti Ábildına.

Kimge aıyppul salynady?

Búgin májiliste jańa zań jobasyn tanystyrǵan mádenıet jáne sport mınıstri Aqtoty Raıymqulova áleýmettik jelilerde zańsyz lotereıa ótkizgen ártister men blogerler jazasyz qalmaıtynyn aıtty.

"Zań jobasy arqyly lotereıa ótkizý úshin belgili bir mólsherde aqsha jınaǵan adam lotoreıa operatory nemese lotoreıa taratýshysy bolyp sanalady. Biryńǵaı lotoreıa operatorynan lıenzııa almaı, osyndaı lotoreıa ótkizip, paıda tapsa, zań buzǵan bolyp sanalady. Shyn máninde, bul óte mańyzdy másele. Osyǵan deıin ákimshilik nemese basqa da jaýapkershilik kózdelmegen edi", - dedi Raıymqulova.

Endi, zańsyz lotereıa ótkizgeni úshin iri kólemde aıyppul salynady. Birinshi ret zań buzsa, eskertý jasalady. Eger bir jyldyń ishinde zań buzýshylyq qaıtalansa, ákimshilik aıyppul salynady.

Aıyppuldyń kólemi:

  • Jeke tulǵalar úshin - 200 AEK (530 200 teńge);
  • Shaǵyn bıznes sýbektileri men kommerııalyq emes birlestikter úshin - 700 AEK (1 855 700 teńge);
  • Orta bıznes úshin - 1000 AEK (2 651 000);
  • Iri bıznes úshin – 2000 AEK (5 302 000 teńge).

Aıta keteıik, zań jobasy ekinshi oqylymnan ótýi kerek. Odan keıin qujat senatta qaralady. Al, eń sońynda, prezıdent qol qoıýy tıis.

 

Pikirler