"Lotereıa jáne lotereıa salasy zańy jobasynda lotereıa operatorynyń qatysýynsyz ótetin, lotereıa operatorymen lotereıa ótkizý týraly ruqsat qaǵazy bolmasa, onda kez kelgen oıyn zańsyz dep tanylady jáne lotereıa bolyp sanalmaıdy", - dedi mınıstr "qazaqstandyqtarǵa Instagram jelisinde lotereıa oınatýǵa tyıym salyna ma?" degen suraqqa.
Aqtoty Raımqulova lotereıa men utys oıyndarynyń aıyrmashylyǵyn túsindirdi.
"Lotereıa - belgileri bar qyzmet túri. Negizgi belgisi - eger lotereıa operatory bar bolsa jáne aqsha salýshy lotereıa qatysýshysy bolsa. Bul qarajat toptala kele apparat kesheni boıynsha oınatylady. Qatysýshylardan jınalǵan qarajat, bireýler utyp jatady. Eger bul belgileri bolmasa, ol onda lotereıa dep atalmaıdy", - dedi mádenıet jáne sport mınıstri.
Eske salaıyq, Májiliste lotereıa jáne lotereıa qyzmeti máseleleri boıynsha túzetýlerdi birinshi oqylymda maquldady. Qazaqstanda zańsyz lotereıa jarnamasyna tyıym salý josparlanyp otyr. "Eger lotereıa qyzmetin jarnamalaý úshin paıdalanylatyn bolsa, "lotereıa" sózin qoldanýǵa tyıym salynbaıdy, bul tek lotereıa operatory men agent arasynda jasalatyn shart negizinde lotereıa operatory men taratýshy, agent úshin ǵana beriletin quqyq", - dep túsindirdi mınıstr.
