Avstralııa ǵalymdary birinshi bolyp koronavırýstyń emin tapty. Olar muny «aıtarlyqtaı jetistik» dep atady, ol dıagnoz qoıýǵa jáne tez tarala bastaǵan vırýsty emdeýge kómektesedi dep habarlaıdy "Adyrna" "Bı-Bı-Sıdiń" orys qyzmetine silteme jasap.
Melbýrndegi mamandandyrylǵan zerthananyń zertteýshileri ótken jumada alynǵan qytaılyq koronavırýstyń kóshirmesin qaıta jasaı alatyndyqtaryn aıtty.
«Biz kóptegen jyldar boıy osyndaı nársege daıyndalyp keldik, sondyqtan biz tez arada aýrýdyń jaýabyn ala aldyq», - deıdi Pıter Doertı atyndaǵy ınfekııa jáne ımmýnıtet ınstıtýtynyń doktory Maık Ketton .
Avstralııalyq ǵalymdar vırýstyń qalpyna keltirilgen kóshirmesin Dúnıejúzilik densaýlyq saqtaý uıymyna (DDSU) jibermekshi. Vırýsty dıagnostıkalaý men emdeýge ózderiniń ashqan jańalyqtary kómektesedi degen úmitteri de zor.
Synaq vakınalaryn dıagnostıkalaý jáne baǵalaý úshin
Koronavırýstyń kóshirmesin testileý kezinde baqylaý materıaly retinde qoldanýǵa bolady, sonymen birge dıagnozda «oıyn erejelerin ózgertýge» bolady deıdi avstralııalyq ǵalymdar.
Zertteýshilerdiń pikirinshe, olar jasaǵan kóshirmelerdiń arqasynda koronavırýs dıagnozynyń alǵashqy satysynda-aq vırýs belgilerin kórsetpegen adamdardy da anyqtaýǵa bolady.
Qytaı bıligi koronavırýs, ádettegi tumaý sııaqty, tipti ınkýbaııa kezeńinde de taralýy múmkin deıdi. Alaıda, DDU belgilerdiń bastalýyna deıin onyń juqpaly ma, joq pa áli belgisiz ekenin atap ótti. Uıymnyń aıtýynsha, koronavırýstyń ınkýbaııalyq kezeńi eki kúnnen bastap 10 kúnge deıin bolýy múmkin.
«Antı-dene synaǵy bizge qanshalyqty keń taralǵandyǵy týraly jaqsy bilý úshin koronavırýsqa kúdik bar naýqastardy retrospektıvti túrde tekserýge múmkindik beredi», - dedi doktor Ketton.
Sonymen qatar, ol koronavırýs kóshirmesin qoldana otyryp, synaq vakınalarynyń tıimdiligin baǵalaýǵa bolatyndyǵyn aıtty.
Eles qalada karantın
Qazirgi ýaqytta koronavırýs juqtyrǵan adamdardyń sany alty myńǵa jetti, Qytaıdan tys 16 elde ınfekııanyń 47 jaǵdaıy tirkelgen. Qytaıda koronavırýstan 132 adam qaıtys boldy, al basqa elderde ólim tirkelmegen.
Koronavırýsty juqtyrýdyń alty jaǵdaıyn rastaǵan Avstralııa Qytaıdan oralǵan 600 azamatyn materıkten 2 myń shaqyrym qashyqtyqta ornalasqan Úndi muhıtyndaǵy Rojdestvo aralyna ornalastyryp, araldy eki aptaǵa karantınge jabýdy josparlap otyr.
British Airways brıtandyq avıakompanııasy 29 qańtarda tańerteń koronavırýstyń órshýine baılanysty Qytaıdan qurlyqqa jáne odan tikeleı reısterdiń toqtatylatyndyǵyn resmı málimdedi. Óz kezeginde Ulybrıtanııa syrtqy ister mınıstrligi azamattarǵa Qytaıǵa barýdan bas tartýǵa keńes berdi.
