Bügın «Aq jol» partiiasynyŋ töraǧasy, Mäjılıs deputaty Azat Peruaşev Mäjılıstıŋ jalpy otyrysynda «Bek Air» äue kompaniiasyna tiesılı ūşaq apatyna qatysty Premer-ministr men Bas prokurordyŋ atyna deputattyq saual joldady.
«Ūşaq syrtyndaǧy mūzdy erıtuge arnalǧan sūiyqtyqty ünemdedı degen jeleumen taǧy da qaza tapqan ūşqyştardy kınälı etıp şyǧaratyndai körınedı. Olardyŋ basyn bäigege tıguı – ekeuınıŋ taŋdauy emes. Baqilyq bolǧandar özderın qorǧai almaidy. Būlai ısteulerı dūrys pa?», - dedı deputat A.Peruaşev.
«Aq jol» fraksiiasynyŋ deputattary tasymaldauşy kompaniia qaza tapqandardyŋ otbasy men zardap şekkenderge ötemaqy tölemegenderın aitty. Sondai-aq, «Bek Air» qaiǧyly oqiǧadan keiın toqtatylǧan äue reisterıne bilet alǧan jolauşylardyŋ aqşasyn älı künge deiın qaitarmaǧan.
«Zaŋdy ötemaqy tölenbegen, zardap şekkenderge qoldau şaralary körsetılmegen. «Bek Air» ökılderı auruhanaǧa baryp, jaraqat alǧan jandardyŋ jaǧdaiyn bıluge de jaramady. Tıptı, qaza tapqandardyŋ jerleu räsımınde de boi körsetpedı. Äue kompaniiasy qaiǧyly oqiǧaǧa tıkelei qatysty joqtai, tek BAQ arqyly köŋıl aitty», - dedı deputat.
Eske sala keteiık, ötken jyldyŋ 27 jeltoqsanynda Almaty qalasynyŋ maŋynda «Almaty – Nūr-Sūltan» baǧytyndaǧy «Bek Air» kompaniiasyna tiesılı Fokker 100 ūşaǧy apatqa ūşyrap, 12 adam qaza tauyp, 67 adam türlı jaraqatpen auruhanaǧa tüstı.
"Adyrna" ūlttyq portaly
