Qytaıdaǵy vırýstyń taralý qarqyny artqan saıyn, kórshiles elder saqtyq sharalaryn kúsheıtýde.
Qytaımen shekaralasatyn Vetnam óz elindegi qytaı jumysshylaryn elden shyǵarýǵa sheshim qabyldaǵan. Danang aımaǵyndaǵy mal bordaqylaý kásipornynda qyzmet etetin 97 qytaı osy aptada Qytaıǵa qaıtarylmaq. Oǵan basty sebep - Qytaıdaǵy vırýstyń qarqyndy taralýy.
Vetnamdaǵy jumysshylarǵa Qytaı kúntizbesi boıynsha Jańa Jyldy toılaýǵa aldyn-ala Qytaıdan bazarlyqtar kelgeni belgili boldy.
"Sol bazarlyq arqyly vırýstyń da kelý qaýpi bar" degen kúdikpen jumysshylardy elden shyǵarýǵa sheshim qabyldanǵan.
Bul týraly "Vetnam qyzyl radıosy" basylymy habarlady. Ázirge jumysshylar qansha ýaqytqa elden ketetini belgisiz.
