Respublikanyŋ ekı oblysynda auyl äkımderı sybailas jemqorlyq qylmysyn jasady dep aiyptalyp otyr, sotqa deiıngı tergeu jürıp jatyr
Türkıstan jäne Almaty oblystarynda auyl äkımderı sybailas jemqorlyq qylmysyn jasady degen küdıkke ılındı, dep habarlaidy Sputnik Qazaqstan jemqorlyqqa qarsy qyzmetke sılteme jasap.
Sybailas jemqorlyqqa qarsy qyzmet qaŋtar aiynda elımızdıŋ bırqatar öŋırınde audan jäne auyl äkımderıne qatysty sotqa deiıngı tergeu bastady.
Türkıstan oblysynda Kentau qalasy Eskı İqan auyldyq okrugınıŋ äkımıne qatysty sotqa deiıngı tergeu jürgızılıp jatyr. Oǧan jer uchaskesınıŋ ahualdyq shemasyna qol qoiǧany üşın jeke käsıpkerden 2 million teŋge para aldy degen aiyp taǧyldy. Būǧan deiın kelısılgen para somasy 4 million 150 myŋ teŋge eken.
Äkım kınäsın moiyndap, jedel tergeu jürgızudı ötındı.
Sonymen qatar, Almaty oblysynda Ile audany Baiserke auyldyq okrugınıŋ būrynǧy äkımı men äkımdıktıŋ lauazymdy tūlǧalary küdıkke ılındı. Jemqorlyqqa qarsy qyzmet olardyŋ Jaŋadäuır auylyndaǧy 10 ga jer uchaskesınıŋ nysanaly maqsatyn şarua qojalyǧynan jeke qosalqy şaruaşylyqqa zaŋsyz özgertuge qatysy bar-joǧyn tekserıp jatyr.
Al Talǧar audany Panfilov auyldyq okrugınıŋ būrynǧy äkımı şipajai, su qorǧau aimaqtary men irrigasiialyq jelılerde jer uchaskelerın bölu kezınde qyzmettık ökılettıgın terıs paidalandy dep aiyptaluda. 24 qaŋtarda küdıktıge qatysty qamauda ūstau şarasy sanksiialandy.
Sotqa deiıngı tergeu jalǧasyp jatyr.
