Sottalǵan olıgarh Toqtar Tóleshovten qalǵan dúnıeniń bir parasy satýǵa qoıyldy. Gosreestr.kz saıtynda onyń qandaı dúnıeleri satýǵa shyǵarǵany jarııa boldy, – dep habarlaıdy nege.kz saıty.
Satýǵa tórt nysan qoıylypty. Onyń ishinde 5 gektardan asa jerimen “Fosfornık” mádenıet úıi, 335 jáne 59,9 sharshy metr bolatyn eki úı bar. Sondaı-aq, kólemi 1307,3 sharshy metr bolatyn taǵy bir nysan kórsetilgen.
Aýkıon aǵylshyn tásilimen júredi. Satylym 6 aqpan kúni saǵat on birde bastalady.
Esterińizge salaıyq, el arasynda “syra koroli” degen atqa ıe Toqtar Tóleshov «memlekettik tóńkeris jasamaq boldy, qınady, adam óltirdi» degen aıyppen 21 jylǵa sottalǵan.
