Qazaqstannyń eks-prezıdenti Nursultan Nazarbaevtyń jıeni, senat spıkeri Darıǵa Nazarbaevanyń uly Aısultan Nazarbaev ómirine qaýip tónip turǵanyn aıtyp qaldy. Ol Facebook paraqshasyndaǵy birneshe jazbasynda jáne aqparat quraldaryna bergen suhbatynda "qaýip óz otbasynan" ekenin málimdedi.
Aısultannyń (byltyr London soty polıııaǵa shabýyldady dep shartty jaza kesip, esirtkige táýeldilikten emdeýge jibergen) jazbalary men aıtqandaryna Nazarbaev áýleti ázirge eshqandaı pikir bildirgen joq.
23 qańtarda Azattyq tilshisi senat otyrysynan shyqqan Darıǵa Nazarbaevaǵa ulynyń sózine qatysty pikir alýǵa tyrysqanymen, nátıje shyqpady. Parlamentte kúzet kúsheıdi. Buryn Nazarbaevany eki adam kúzetetin edi, bul joly onyń janynda kem degende alty kúzetshi júrdi. Kúzetshilerdiń biri tilshiniń qolyn qaıyryp, aýzyn japty. Kedergige qaramastan Azattyq tilshisi Darıǵa Nazarbaevadan "ulynyń ómirine qandaı qaýip tónip turǵanyn" surap úlgerdi. Biraq Nazarbaeva tilshi suraǵyn jaýapsyz qaldyrdy.
22 qańtarda Aısultan Nazarbaev uzaq úzilisten keıin Facebook paraqshasynda birneshe post jarııalady. Onda ol "túrmede otyryp shyqqanyn", "jaqyndarymen kóp másele bolǵanyn" jazdy. Aısultan postynda qazir Londondaǵy Priory Hospital Hayes Grove klınıkasynda (18 qazanda aǵylshyn soty Aısultandy esirtkige táýeldilikten emdelýge mindettegen) jatqanyn da aıtty. Ol jazbasynda telefon nómerin qaldyryp (Azattyq bul nómerge habarlasqanymen jaýap bolmady), jýrnalıster suraǵyna jaýap berýge daıyn ekenin aıtqan. Jazýynsha, ómirine qaýip tónip tur jáne ony bireýler óltirgisi keledi. Aısultan Ulybrıtanııa hanshaıymynan Nursultan Nazarbaevqa habarlasýdy da suraǵan.
Aısultan Facebook paraqshasynda"Meniń sheshem atamdy qarmaqta ustap otyr. Sebebi ol meniń ákem" ("Moıa mat derjala deda na krıýke ız za togo chto ıa ego syn") dep jazdy.
Jeli qoldanýshylarynyń arasynan Aısultannyń paraqshasyn bireýler buzyp kirgen degender de tabyldy. Keıin qazaqstandyq jýrnalıster Aısultan Nazarbaevqa habarlasyp, suhbat alǵan. Aısultan Facebook paraqshasyna ózi jazyp otyrǵanyn aıtty. Vıdeoda onyń Priory klınıkasynda otyrǵany baıqalady.
Azattyq brıtanııalyq klınıkaǵa habarlasty. Aýrýhana paıentteri jaıly aqparat bermeıtinin, emdelýshiler týraly derekter jeke bas qupııasy ekenin aıtty.
23 qańtarda Aısultan Nazarbaev taǵy da jumbaqtaǵan post jarııalap, "álemdi jaýlap alǵan sıqyr jaıly" jazdy. Odan keıin Muhtar Áblıazovtyń (10 jyl boıy shetelde turyp jatqan eks-bankır, Nazarbaev pen Qazaqstan bıligin synap júrgen oppozıııalyq saıasatker. Nur-Sultan ony birneshe qylmysqa aıyptap, elge ekstradıııalaýǵa talpynyp keledi. Áblıazov aıyptardyń saıası astary bar dep sanaıdy) habarlasýyn surap, taǵy bir post jarııalady. Birneshe saǵattan soń Áblıazov Facebook jelisinde tikeleı efırge shyǵyp, Aısultanmen sóıleskenin, oǵan sheshesi tarapynan qaýip tónip turǵanyn aıtty.
"Onyń ómirine qaýip tónip tur. Ol ózin Rahat Álıev sııaqty óltirip tastaı ma dep qaýiptenedi" dedi Áblıazov.
Rahat Álıev – Darıǵa Nazarbaevanyń burynǵy kúıeýi, dıplomatııalyq qyzmetterde istegen. 2007 jyly qýǵanǵa ushyrap, 2015 jyly aqpanda Vena túrmesinde óli kúıinde tabyldy. Resmı tergeý ol sýııd jasaǵan degen sheshimge kelgen. Al Álıevtiń ekinshi áıeli Elnara Shorazovanyń advokattary germanııalyq ekspertterge siltep, Álıevti óltirip ketti degen.
Azattyq Aısultan Nazarbaevqa "tóngen qaýip jaıly" Qazaqstannyń Ulybrıtanııadaǵy elshiliginen kommentarıı ala almady. Telefon tutqasyn kótergen elshilik qyzmetkeri qandaı da bir aqparat berýge ókileti joǵyn aıtty. Ol tilshi suraǵyn aqparat quraldarymen baılanysqa jaýapty qyzmetkerge jetkizetinin aıtyp, redakııa nómerin jazyp aldy. Biraq elshilik tarapynan redakııaǵa eshkim habarlaspady.
Qazaqstannyń eks-prezıdenti Nursultan Nazarbaevtyń ákimshiligine habarlasý múmkin bolmady. Kanelıarııanyń baspasóz hatshysy Aıdos Úkibaev telefonǵa jaýap bermedi.
Nursultan Nazarbaev 2019 jyly naýryzda prezıdenttikten ketken. Biraq Qaýipsizdik keńesi men "Nur Otan" partııasynyń basshysy retinde eldegi bıliktiń bir bóligin ustap otyr. Onyń "Ult kóshbasshysy" statýsy bar. Bul mártebege saı, Nazarbaev jáne onyń otbasy qylmystyq jaýapkershilikke tartylmaıdy.
Aısultan Nazarbaev – Darıǵa Nazarbaevanyń ekinshi uly. Nazarbaeva men Álıevtiń taǵy Nuráli Álıev (2014-16 jyldary Qazaqstan astanasy ákiminiń orynbasary bolǵan) jáne Venera Nazarbaeva esimdi balalary bar.
Aısultan Ulybrıtanııada koroldik áskerı akademııada oqyp, Qazaqstanǵa oralǵan. Keıin ol Qazaqstan qorǵanys mınıstrligi barlaý basqarmasyna jumysqa turǵan. 2017 jyly jeti aıdaı Qazaqstan fýtbol federaııasynyń vıe-prezıdenti boldy. Keıin ol jelidegi paraqshasynda esirtki shekkenin, odan emdelgenin jazdy da biraz ýaqyt jurt kózinen tasada boldy.
Byltyr qazanda London soty Aısultandy shartty jazaǵa kesip, "18 aı synaqta bolyp, 140 saǵat qoǵamdyq jumysqa jegiledi jáne májbúrli túrde esirtkige táýeldilikten emdeledi, bir myń fýnt aıyppul (1300 dollar) men bes myń fýnt (shamamen 6500 dollar) shyǵyndy tóleýi tıis" dep sheshim shyǵarǵan.
Sot Aısultan Nazarbaevty brıtan polıııasyna qarsylyq kórsetkeni úshin jaýapqa tartqan. Is materıaldaryna saı, Covent Garden aımaǵyndaǵy páterdiń balkonyna shyǵyp alǵan belgisiz er adamdy kórgen turǵyndardyń biri polıııa shaqyrǵan. Polıııa kelgende er adam "esirtki áserimen polıııaǵa qarsylyq kórsetken, qol jumsap, tistegen". Keıin balkonǵa shyǵyp alǵan er adamnyń Aısultan ekeni anyqtalǵan. Úıdiń ıesi Aısultanmen tanys emesin, onyń páterge qalaı kirgenin bilmeıtinin aıtqan. Polıııa Aısultandy ustaý úshin elektroshoker qoldanýǵa májbúr bolǵan. VVS saıty Aısultan elektroshokerdi syndyryp tastaǵanyn, polıııanyń qolyn jaraqattaǵanyn jazdy.
Tórt aıdan keıin London soty Aısultan Nazarbaevqa úkim shyǵardy. Sot Aısultan bostandyqta júrip, emdelýine bolady degen sheshimge kelgen.
Bul sotqa qatysty Nazarbaev áýleti eshqandaı pikir bildirgen joq.
"Azattyq" radıosy
