Zaısandaǵy sot: 12 belsendi qamaýǵa alyndy

5503

Búgin Qazaqstannyń nazary  ShQO, Zaısan qalasyna aýdy. Qytaıdaǵy qysymnan qashqan qos qazaq Qaster Musahanuly men Murager Álimulynyń sotynyń dúbiri Altaı men Atyraý arasyn teńseltti. Baýyrymyzdy Qytaıǵa bermeımiz, bergizbeımiz dep kelgen halyq aýdandyq sot zalyna syımaı qaldy. Osy sot bastalmaı turyp, sotqa kelgen belsendilermen jergilikti polıııa arasynda sózge kelispeýshilik bolyp qalyp jatty. Aıadaı tar bólmedegi sotqa halyq bári kirgisi kelgenmen, týystary men qoǵam belsendileri, jýrnalıster ǵana kirgizildi. Osyǵan baılanysty daladaǵy halyq pen polıııa arasynda túsinispreýshilik te oryn aldy. Bas jaryp, qol synǵan eshtemesi joq. Sot sheshimine rıza bolǵan halyq sottan keıin sot pen prokýrorǵa, polıııaǵa rızashylyǵyn bildirip, alǵysyn aıtyp taraǵan bolatyn.

Biraq, erte qýanypty. Qaladan shyǵa beristegi janar maı quıý stansasynyń qasynda "kerekti adamdaryn" kútip turǵan polıııa, qaryndashynyń ushyna túrtip alǵan belsendilerdi qamaýǵa alypty. Zaısannan 170 shaqyrym uzap ketken semeılik belsendiler mingen kólikti de joldan toqtatyp, eki adamdy qaıtadan Zaısanǵa alyp kele jatyr deıdi bizge Zaısannan habarlasqan belsendi. Tolyq aqparattardy qosymsha habarlaıtyn bolamyz.

Esterińizge sala keteıik, búgin Shyǵys Qazaqstan oblysy Zaısan aýdandyq sotynda "memlekettik shekarany zańsyz kesip ótti" dep aıyptalǵan etnıkalyq eki qazaq Qaster Musahanuly men Murager Álimulyna úkim oqyldy. Sýdıa Ospanova Qaster Musahanuly men Murager Álimulyn árqaısysyn bir jylǵa bas bostandyǵynan aıyryp, jazasyn qaýipsizdigi tómen mekemede óteıtinin aıtty. Buǵan qosa, olardyń árqaısysyna 25 250 teńge kóleminde aıyppul saldy.

Búgingi sotqa Qaraǵandy, Shymkent, Almaty taǵy basqa aımaqtardan  Qaster men Muragerdi qoldap, kóp adam keldi. Sot zalyna syımaǵan halyq  eki azamatty syrtta qoldap turdy.

"Adyrna" ulttyq portaly

Pikirler
Redakııa tańdaýy