Májilistiń burynǵy depýtaty qaıtys boldy

341

Qazaqstan Respýblıkasy Parlamenti Májilisiniń depýtaty bolǵan Burhanov Qamal Nızamuly qaıtys boldy, - dep habarlaıdy Tengrinews.kz tilshisi. Bul týraly Qazaqstan Respýblıkasy Parlamenti Senatynyń áleýmettik-mádenı damý jáne ǵylym komıtetiniń tóraǵasy Murat Baqtııaruly Facebook jelisindegi paraqshasynda jazdy.  "Jalǵan ómiraı... USTAZYM, DOSYM, ÁRIPTESIM KAMAL BURHANOV dúnıeden ozypty. Sońǵy eki jyl tósek tartyp jatyp kalǵan edi. Maǵrıpa jeńgem koldan kelgenshe barlyǵyn jasady. Amal neshik, bári bir jaratqannyń qolynda. Baqul bol adal dos. Janyń jánnatta bolǵaı Kamal aǵa!", - dep jazdy Senat depýtaty.  Burhanov Qamal Nızamuly - 1954 jyly 31 naýryzda Tashkent oblysy Iangıúl aýdany Shýrolısaı aýylynda dúnıege kelgen. Tashkent memlekettik ýnıversıtetin, Máskeý memlekettik áleýmetik ýnıversıtetin bitirgen. Saıası ǵylymdarynyń doktory, professor. 1977-1978 jyldary - Á.Qasteev atyndaǵy óner mýzeıiniń ǵylym qyzmetkeri, 1978-1979 jyldary - Sh.Ýálıhanov atyndaǵy tarıh, arheologııa jáne etnologııa ınstıtýtynyń aǵa laboranty; 1979-1995 jyldary - S.M. Kırov atyndaǵy QazMÝ - aǵa laborant, assıstent, aǵa oqytýshy, doent, dekan orynbasary, professor, oqý jumysy jaıyndaǵy dekan orynbasary, Tarıh fakýlteti Saıası tarıh kafedrasynyń meńgerýshisi qyzmettterin atqardy.  1995-2000 jyldary - ál-Farabı atyndaǵy QazMÝ - Tarıh fakýltetiniń dekany. 2000-2001 jyldary - ál-Farabı atyndaǵy QazMÝ - fılosofııa jáne saıasattaný fakýltetiniń dekany; 2001-2002 jyldary - ál-Farabı atyndaǵy QazMÝ - Saıasattaný kafedrasynyń meńgerýshisi; 2002-2004 jyldary - Abaı atyndaǵy AMÝ - Zań fakýltetiniń dekany qyzmetterin atqardy.  2004-2006 jyldary - QR Prezıdenti Ákimshiliginiń bas sarapshysy. 2006 -2007 jyldary - Sh.Ýálıhanov atyndaǵy tarıh jáne etnologııa ınstıtýtynyń dırektory; 2007 - 2011 jyldary QR tórtinshi saılanǵan Qazaqstan Respýblıkasy Parlamenti Májilisiniń depýtaty; 2012 jylǵy 20 aqpannan bastap besinshi saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi boldy. "Qurmet" ordenimen marapattalǵan. Úılengen, eki balasy bar.

kaz.tengrinews.kz

Pikirler