Dostar, "Marǵulan ne deıdi?" aıdarynyń kezekti shyǵarylymyn usynyp otyrmyz. Ótken apta ártúrli oqıǵalarǵa toly boldy. Taldaýdy apta ishinde áleýmettik jelilerde eń kóp talqylanǵan taqyryptan, ıaǵnı Armenııa, Reseı, Qyrǵyzstan kólikteriniń ıelerine qatysty máseleden bastaımyz. Búgin men osy kólik ıeleri men bıliktiń ortaq bitimge kelý jaıyna qatysty óz nusqamdy usynamyn. Bul kóregen memlekettiń qadamy bolar edi.
⠀
Sondaı-aq, Reseı Prezıdenti Vladımır Pýtınniń Federaldy Jınalysqa jasaǵan úndeýi taldanady. Sonymen qatar, jaqynda ǵana óz qyzmetin asyra paıdalandy degen aıyp taǵylǵan Pavlodar oblysynyń ákimi Bolat Baqaýovtyń tóńiregindegi janjal jaıly sóz qozǵaımyz.
