Taǵy bir ákim qamaýǵa alyndy

2669
Sybaılas jemqorlyq jasady degen kúdikke úsh adam – Alataý aýdanynyń eks-ákimi, onyń orynbasary jáne mádenıet bóliminiń basshysy ilindi

Almatyda Alataý aýdany ákimdiginiń úsh qyzmetkeri para aldy jáne bıýdjet qarjysyn jymqyrdy degen kúdikpen ustaldy.

"Almaty qalasy Alataý aýdanynyń eks-ákimi, onyń orynbasary, sondaı-aq osy aýdan ákimi apparatynyń mádenıet jáne tilderdi damytý bóliminiń basshysy sybaılas jemqorlyq qylmysyn jasady degen kúdikke ilindi", - delingen Sybaılas jemqorlyqqa qarsy qyzmet taratqan habarlamada.

Olarǵa 2019 jyly óńirlerdi damytýdyń 2020 jylǵa deıingi memlekettik baǵdarlamasy boıynsha bólingen bıýdjet qarajatyn iri kólemde jymqyrdy degen aıyp taǵylyp otyr.

Sonymen qatar, tergeý merdiger uıymnyń ókilinen bank kartasyna jarty mıllıon teńge para alý faktisi boıynsha tekseris júrgizip jatyr. Sybaılas jemqorlyqqa qarsy qyzmettiń málimeti boıynsha, para berýshi sheneýnikterden is júzinde oryndalmaǵan jumystardyń atqarylǵany týraly aktilerge jalǵan jazba jasaýdy suraǵan.

Qazirgi ýaqytta aýdan basshysy men onyń orynbasary ustalyp, ýaqytsha ustaý abaqtysyna qamaldy. Bultartpaý sharasyn tańdaý týraly másele sheshilýde.

Ákimdiktiń mádenıet bóliminiń basshysy kinásin moıyndaýyna baılanysty proessýaldyq qamaýǵa alynbaǵan.

Kúdiktilerdiń kinásiniń deńgeıi týraly túpkilikti sheshimdi sot qabyldaıdy.

2017 jyldyń 10 shildesinen bastap Alataý aýdanynyń basshysy qyzmetin Shahmerden Ryspaev atqardy. Degenmen, 17 qańtar kúni keshke bul qyzmetke Azamat Qaldybekov taǵaıyndaldy. Sheshim prezıdent ákimshiligimen jáne depýtattarmen kelisildi.

 

Pikirler
Redakııa tańdaýy