Pavlodar oblysynyń ákimi Bolat Baqaýovqa qatysty qylmystyq is qozǵaldy, - dep habarlaıdy UQK niń baspasóz qyzmeti.
«Ulttyq qaýipsizdik komıteti 2020 jylǵy 15 qańtarda Pavlodar oblysynyń ákimi Bolat Baqaýovqa qatysty laýazymdyq ýákilettigin asyra paıdalaný faktisi boıynsha QR QK-niń 362-baby 2-bóligi 3-tarmaǵy boıynsha tirkelgen qylmystyq iske sáıkes jedel-tergeý sharalaryn júrgizdi. Qazirgi ýaqytta tergeý amaldary jalǵasýda. Osy kezeńde tergeý múddesine oraı tolyq derekter jarııalanýǵa jatpaıdy»,- delingen habarlamada. "
Búgin tańerteń Pavlodar oblysy ákiminiń baspasóz hatshysy Ernar Seıtahmet ákimniń ustalǵanyn joqqa shyǵarǵan bolatyn. Baspasóz hatshysynyń aıtýynsha, ákim óz ornynda. Biraq, dál qazir basqa jaqta júr degen bolatyn.
Bolat Baqaýov 2016 jyldyń naýryz aıynda Pavlodar oblysynyń ákimi bolyp taǵaıyndalǵan edi.
"Adyrna" ulttyq portaly
