Павлодар облысының әкімі Болат Бақауовқа қатысты қылмыстық іс қозғалды, - деп хабарлайды ҰҚК нің баспасөз қызметі.
«Ұлттық қауіпсіздік комитеті 2020 жылғы 15 қаңтарда Павлодар облысының әкімі Болат Бақауовқа қатысты лауазымдық уәкілеттігін асыра пайдалану фактісі бойынша ҚР ҚК-нің 362-бабы 2-бөлігі 3-тармағы бойынша тіркелген қылмыстық іске сәйкес жедел-тергеу шараларын жүргізді. Қазіргі уақытта тергеу амалдары жалғасуда. Осы кезеңде тергеу мүддесіне орай толық деректер жариялануға жатпайды»,- делінген хабарламада. "
Бүгін таңертең Павлодар облысы әкімінің баспасөз хатшысы Ернар Сейтахмет әкімнің ұсталғанын жоққа шығарған болатын. Баспасөз хатшысының айтуынша, әкім өз орнында. Бірақ, дәл қазір басқа жақта жүр деген болатын.
Болат Бақауов 2016 жылдың наурыз айында Павлодар облысының әкімі болып тағайындалған еді.
"Адырна" ұлттық порталы
