«Aq jol» partııasy Ulttyq banktiń laýazymdy tulǵalaryn depýtattyq saýalǵa jaýap berý merzimderin buzǵany úshin jaýapqa tartýdy talap etedi
«Aq jol» partııasy Ulttyq banktiń laýazymdy tulǵalaryn depýtattyq saýalǵa jaýap berý merzimderin buzǵany úshin jaýapkershilikke tartýdy talap etedi. Bul týraly búgin «Aq jol» parlamenttik partııasynyń depýtaty Erlan Barlybaev Májilistiń jalpy otyrysynda aıtty.
Qazaqstan Respýblıkasy
Ulttyq Bankiniń tóraǵasy
E.A.Dosaevqa
2019 jylǵy 13 qarashada «Aq jol» frakııasy sizge ekonomıkalyq daǵdarys jyldarynda memleket bólgen qarajattan ekinshi deńgeıli bankterge naqty bıznesti nesıeleý máselesi boıynsha depýtattyq saýal joldaǵan bolatyn. Suraýda biz:
1) 2008 jyldan bastap qazirgi ýaqytqa deıin bank sektoryn qoldaýǵa túrli kózderden, onyń ishinde Ulttyq qordan jáne Biryńǵaı jınaqtaýshy zeınetaqy qorynan qansha qarajat bólindi?
2) Zańdy tulǵalarǵa, sondaı-aq shaǵyn jáne orta bızneske sol kezeńge olar boıynsha eseptelgen syıaqylardy, ósimpuldar men aıyppuldardy eseptemegende ekinshi deńgeıdegi bankterdiń nesıeleriniń taza mólsheri qansha?
3) Sol jyldary ekinshi deńgeıli bankter Qazaqstan Respýblıkasy Ulttyq Bankiniń notalaryn qandaı mólsherde satyp aldy?
4) Memlekettik qoldaý bankterdiń bıznesti nesıeleý jáne Ulttyq Banktiń notalaryn satyp alýdaǵy úlesi qansha?
5) Qazaqstannyń jalpy ishki óniminiń jyl saıynǵy ósýine ekinshi deńgeıdegi bankterge memlekettik kómektiń áseri qalaı baǵalanady jáne bank sektorynyń bıýdjettiń kirisine qosatyn úlesi qandaı? degen saýaldardy kóterdik.
Biz bul suraqtardy bank júıesiniń memleketten alǵan úlken qarajatyna qaramastan, bankterdiń ekonomıkany nesıeleý sharttary men kóńil tolmaıtyn jaǵdaılarǵa baılanysty kótergen edik. «Aq jol» frakııasy Ulttyq qordan jáne bıýdjetten mıllıardtaǵan somany jiberýdiń maqsaty bankterdiń ózderin baıytý emes, qarjy sektoryn jaqsartý jáne qarajatty ekonomıkaǵa baǵyttaý bolýy kerek dep sanaıdy.
Prezıdent Q.Toqaev óziniń Joldaýynda «ekinshi deńgeıli bankterge qolaıly sharttarmen jáne uzaq merzimge nesıe berý» mindetin qoıǵany kezdeısoq emes.
Sonymen birge, keıbir málimetterge sáıkes, bankterdiń memlekettik qorlardan paıda tabýy, olardy Ulttyq Bank atynan memleketke qolaıly mólsherlemelermen qamtamasyz etýi jáne bıznestiń qol jetimdi uzaq merzimdi nesıelerge degen shuǵyl qajettiligin eskermeýi syndy jaǵdaılar oryn alǵan.
Bul jaǵdaıdy naqtylaý úshin biz Ulttyq banktiń málimetterin suradyq. Alaıda, suraý jiberilgen kúnnen bastap eki aı ótse de, jaýap kelgen joq.
Eske sala keteıik, «Parlament jáne onyń depýtattarynyń mártebesi týraly» Qazaqstan Respýblıkasy Konstıtýııalyq zańynyń 27-babynyń 4-tarmaǵyna sáıkes, depýtattyń ótinishine jaýap bir aıdan keshiktirilmeı beriledi.
Osyǵan baılanysty «Aq jol» parlamenttik frakııasy:
- biz qoıǵan suraqtarǵa naqty jaýap berýdi taǵy da talap etedi;
2. Ulttyq Banktiń laýazymdy tulǵalaryn depýtattyq saýalǵa jaýap berý merzimderin buzǵany úshin jaýapkershilikke tartý týraly másele kóteredi.
"Adyrna" ulttyq portaly
