Parlament Májilisi soǵys jaǵdaıy máseleleri boıynsha keıbir zańnamalyq aktilege ózgerister engizý týraly zań jobasyn birinshi oqylymda maquldady, dep habarlaıdy "Adyrna" Sputnik Qazaqstan aqparat agenttigine silteme jasap.
Zań jobasyn tanystyrǵan qorǵanys mınıstriniń birinshi orynbasary Murat Bektanov negizgi ózgeristerge toqtaldy. Basty maqsat – soǵys jaǵdaıy salasyndaǵy qazirgi zańnamany jetildirý. Osyǵan oraı, prezıdent ókilettiligin tolyqtyrý usynylyp otyr.
Sonyń ishinde soǵys jaǵdaıyn qoldaný tártibin aıqyndaý, qarýly kúshteri joǵary bas qolbasshysynyń stavkasy týraly, qorǵanys keńesteri týraly, soǵys jaǵdaıy kezeńinde úkimet qyzmetin uıymdastyrý týraly erejeni bekitý sııaqty ókilettilikter bar.
"Budan basqa, úkimet qyzmeti mynadaı ókilettilikpen tolyqtyrylady: beıbit ýaqytta soǵys jaǵdaıy kezeńindegi mınıstrlikter týraly erejeni bekitý, soǵys jaǵdaıy kezeńinde úkimet qurylymyna kiretin memlekettik organdy soǵys ýaqytyndaǵy shtatqa kóshirýdi uıymdastyrý, jergilikti atqarýshy organǵa azamattyq jáne aýmaqtyq qorǵanys salasyn qamtamasyz etý mindetin belgileý. Sondaı-aq, soǵys jaǵdaıy kezeńinde jergilikti atqarýshy organdarǵa oblystyń, respýblıkalyq mańyzy bar qalanyń, astananyń qorǵanys keńesterin qurýǵa ókilettilik berý usynylady", - dedi Bektanov.
Vıe-mınıstrdiń sózine qaraǵanda, qorǵanysty josparlaý júıesine de ózgeris engizý josparlanyp otyr. Birinshiden, prezıdent ókilettiligin qorǵanysty josparlaý qaǵıdasyn bekitýmen tolyqtyrý usynylady.
Ekinshiden, qorǵanys mınıstrligi jospardy ázirleýdi úılestirse, bas shtab sol jospardyń ázirleýshisi bolady. Úshinshiden, jergilikti atqarýshy organdar aýmaqtyq qorǵanys josparyn daıyndaı alady. Biraq ony bas shtabpen kelisý kerek.
"Osy túzetýler soǵys jaǵdaıy týraly zańnamalyq aktini qazirgi zaman talabyna saı keltirýge múmkindik beredi. Odan basqa, soǵys jaǵdaıy kezeńinde memlekettiń jumys isteý mehanızmin jetildiredi", - dep atap kórsetti Murat Bektanov.
