NŪR-SŪLTAN, 11 qaŋtar – Sputnik. Qazaqstanda alty zaŋǧa engızılgen tüzetuler 11 qaŋtardan bastap küşıne endı. 2019 jyldyŋ jeltoqsan aiynyŋ soŋynda memleket basşysy Qasym-Jomart Toqaev bırqatar zaŋǧa qol qoiǧan bolatyn.
Qylmystyq zaŋnamany jetıldıru turaly
"Qazaqstan Respublikasynyŋ keibır zaŋnamalyq aktılerıne qylmystyq jäne qylmystyq-prosestık zaŋnamany jetıldıru mäselelerı boiynşa özgerıster men tolyqtyrular engızu turaly" Qazaqstan Respublikasynyŋ zaŋy bırqatar qylmys üşın jauapkerşılıktı küşeituge baǧyttalǧan.
Olardyŋ arasynda:
- zorlau,
- brakonerlık,
- mal ūrlyǧy,
- esırtkı taratu,
- ösımdıkter men januarlar älemın qorǧau inspektorynyŋ ömırıne, qoryqşy qyzmetıne qastandyq,
- mas küiınde kölık jürgızu,
- sonymen qatar bırqatar basqa da qauıptı qūqyq būzuşylyqtar bar.
Sonymen qatar, zaŋ bala asyrap aluǧa kömektesetın ūiymdardyŋ jūmysyna qūqyqtyq jaǧdai jasaudy, şeteldıkterdı mındettı tırkeudı alyp tastaudy qarastyrady.
Pedagog märtebesı turaly
"Pedagog märtebesı turaly" Qazaqstan Respublikasynyŋ zaŋy mūǧalımderdıŋ jüktemesın azaitudy közdeidı jäne olarǧa özın-özı damytuǧa jäne şyǧarmaşylyqpen ainalysuǧa mümkındık beredı. Sonymen qatar, pedagogtardyŋ jalaqysy 25% -ke, al synyp jetekşılıgı üşın qosymşa tölem ekı esege artady. Pedagogtarǧa qol kötergender zaŋmen jazalanady.
Oquşy men mūǧalımge jüktemenı tömendetu
"Qazaqstan Respublikasynyŋ keibır zaŋnamalyq aktılerıne pedagog märtebesı, oquşy men mūǧalımge jüktemenı tömendetu mäselelerı boiynşa özgerıster men tolyqtyrular engızu turaly " Qazaqstan Respublikasynyŋ zaŋy jetım balalar men ata-anasynyŋ qamqorlyǧynsyz qalǧan balalardy jailastyrudy ūiymdastyru qyzmetın reglamentteudı qarastyrady.
Olardyŋ qatarynda sondai-aq laŋkestık belsendılık joǧary aimaqtardan kelgen azamattardy oŋaltudy jüzege asyratyn, sonymen qatar bılım, ǧylym jäne balanyŋ qūqyqtaryn qorǧau salasyndaǧy qoldanystaǧy zaŋnamanyŋ qūqyqtyq kemşılıkterı men qaişylyqtaryn joiatyn ūiymdar bar.
Aita ketu kerek, tiıstı zaŋ jobalaryn äzırleudı Qazaqstan prezidentı tapsyrdy. Olar 2019 jyly parlament senatynda qabyldandy.
