2020 jylǵy 9 qańtarda saǵ. 11.00-de Qazaqstan Respýblıkasy Mádenıet jáne sport mınıstrligine qarasty QR Ulttyq kitaphanasynyń N. Dáýletova atyndaǵy zalynda «Atamura» korporaııasynyń Ulttyq kitaphana qoryna asa baǵaly ári qundy 1000 kitabyn syıǵa tartý rásimi ótti.
Kitaphanadaǵy tóbeli tórdiń tizginin qolyna alǵan «Zeınolla Sánik atyndaǵy mádenıet qorynyń» atqarýshy dırektory, aıtysker aqyn Serik Qalıev búgingi alqaly otyrystyń mán-maǵynasyn aıtyp, sharanyń mańyzdylyǵyn túsindirip ótti. Ulttyq kitaphana qoryna baǵaly syılyǵyn ákelip otyrǵan «Atamura» korporaııasynyń prezıdenti Raqymǵalı Qul-Muhammed korporaııanyń bolashaqta da qazaq dúnıetanymyna qyzmet ete beretinin atap ótti.
Otyrysta sóz alǵan Qabdesh Jumadilov, Dýlat Isabekov, Murat Áýezov syndy zııaly qaýym ókilderi bul sharanyń bolashaq úshin óte úlken syı ekenin aıtty.
El táýelsizdiginiń kók týyn jelbiretken jyly-aq jaýapkershiligi shekteýli seriktestik retinde qurylǵan «Atamura» baspa korporaııasy ózin táýelsizdiktiń qurdasy dep sanaıdy. Ol shaǵyn kásiporynnan bastap oqýlyqtarmen qatar enıklopedııalyq jáne balalarǵa arnalǵan basylymdar, anyqtamalyq, ǵylymı jáne ǵylymı-tanymdyq ádebıetter, sózdikter, kórkem proza men poezııa, kórnekti memleket jáne qoǵam qaıratkerleriniń eńbekteri men polıgrafııalyq ónimniń barlyq túrlerin shyǵaratyn úlken korporaııaǵa deıingi ósý jolynan ótti.
Búginge deıin «Atamura» korporaııasy «Atyraý», «Qaraǵandy», «Mańǵystaý», «Aqmola», «Astana» syndy aımaqtyq enıklopedııalarmen birge belgili qazaq ǵalymdarynyń, jáne qoǵam qaıratkerleriniń eńbekterin sapaly shyǵarýy otandyq kitap mádenıetiniń iri jetistigine aınaldy. Elimizdiń tuńǵysh Prezıdenti, Elbasy N.Á. Nazarbaevtyń qazaq jáne orys tilderindegi «Ǵasyrlar toǵysynda», «Tarıh tolqynynda», «Syndarly on jyl», «Beıbitshilik kindigi», «Eýrazııa júreginde» atty kitaptary, «Atamura» kitaphanasy» serııasymen 150-dan astam aqyn-jazýshylardyń týyndylary, sonymen qatar balalar ádebıetin qoldaý, nasıhattaý maqsatynda «Atamura» mektep kitaphanasy» serııasymen búldirshinderge arnalǵan qazaq jáne orys tilderindegi kórkem bezendirilgen kitaptar, ertegiler, mektep jasyndaǵy balalarǵa arnalǵan tanymdyq kitapshalar basylyp shyqty.
Korporaııa Qazaqstan Respýblıkasy Prezıdentiniń «Qurmet» dıplomymen marapattaldy. Parıjde korporaııaǵa Óndiriske yqpal etý assoıaııasynyń (SRI) altyn medalimen, Jenevada Halyqaralyq Altyn juldyzben, Maltada «Hrýstal ryary» dıplomymen, «Elimizdiń úzdik baspasy «Altyn juldyzymen» marapattaldy. Nıý-Iork (AQSh) qalasynda Halyqaralyq «Quality Summit» Platına syılyǵyna ıe boldy. «Atamura» korporaııasy TMD elderi boıynsha Máskeý qalasynda ótken kitap kórmelerinde birneshe ret arnaıy dıplomdarmen marapattaldy.
"Adyrna" ulttyq portaly
