Eske salaıyq, búgin tańerteń Iranda 180 jolaýshysy bar ýkraınalyq ushaqtyń qulaǵany habarlanǵan bolatyn. Laınerdiń "tehnıkalyq aqaýǵa" baılanysty Imam Homeını atyndaǵy halyqaralyq áýejaıy mańynda apatqa ushyraǵany belgili boldy. Áýejaı basshysy bul aqparatty rastap, ushaqtyń áýejaıdan ushyp shyqqan boıda apatqa ushyraǵanyn málimdedi.
Artynsha Iran áýejaıynyń ókilderi ýkraınalyq ushaqtyń apatqa ushyraý sebebin atady, - dep habarlaıdy RIA Novostı. "Ushaqtyń qozǵaltqyshynda bolǵan órt jolaýshylar ushaǵynyń apatqa ushyraýyna sebep boldy", - dep málimdedi áýejaıdyń resmı ókili IRNA agenttigine bergen suhbatynda.
Osyǵan deıin Iranda apatqa ushyraǵan ýkraınalyq laınerdiń bortynda bolǵan barlyq adam qaza tapqany habarlanǵan edi.
Artynsha Qazaqstannyń Syrtqy ister mınıstrligi qaza tapqandardyq arasynda qazaqstandyqtardyń joq ekenin resmı málimdedi.
