Búgin Bek Air áýe kompanııasynyń basshylyǵy Fokker-100 ushaǵynyń Almaty áýejaıynyń mańyndaǵy apaty jaıly baspasóz máslıhatyn ótkizdi.
Kompanııanyń ushý qyzmetiniń dırektory Erik Saparovtyń aıtýynsha, Bek Air áýe kompanııasyna tıesili Fokker-100 ushaǵy jeńil salmaqty ushaq sanatyna jatady. Onyń sózinshe, jeńil ushaqtyń apatqa ushyraýyna bir mınýt buryn ushqan aýyr salmaqty Airbus ushaǵynyń áýe tolqyny áser etýi, ushaqty basqarýdy kúrt qıyndatqan bolýy múmkin.
Erik Saparovtyń sózinshe, ushaqtar kem degende eki-úsh mınýt ıntervalmen ushýy tıis. Apatqa ushyraǵan Fokker-100 ushaǵynyń ushý traektorııasyn kórsetken ol "ekıpaj komandıri sońǵy sátke deıin ushaqty qutqaryp qalýǵa tyrysqan" dep baǵalady.
Bek Air kompanııasynyń ushqysh ınstrýktory Aleksandr Kolesnıkovtiń sózinshe, apatqa ushyraǵan ushaqtyń tehnıkalyq jaǵdaıy jaqsy bolǵan.
- Apatqa ushyrasa da órtenbegeni sonyń belgisi. Qutqarý qyzmeti 4 tonnadan astam benzın soryp alǵan. Sapasyz ushaq bolsa jarylyp keter edi. Ushýǵa jaramdylyǵy jaıly sertıfıkaty bar. Ol sertıfıkaty bolmasa, azamattyq avıaııa komıteti ushýǵa ruqsat bermeıdi,- deıdi ol.
27 jeltoqsanda tańerteń Bek Air áýe kompanııasynyń Fokker-100 ushaǵy Almaty áýejaıyna jaqyn jerge qulaǵan. Ushaqta 93 jolaýshy jáne ekıpajdyń bes múshesi bolǵan. 12 adam qaza taýyp, ondaǵan jolaýshy aýrýhanaǵa túsken.
Ishki ister mınıstri Erlan Turǵymbaev úkimet otyrysy kezinde Bek Air áýe kompanııasyna tıesili Fokker-100 ushaǵynyń Almaty áýejaıyna taıaý mańdaǵy apatyna úsh jaıttyń biri sebep bolýy múmkin: Birinshi - ekıpajdyń qatesi, ekinshi - ushaqtyń tehnıkalyq aqaýy, úshinshi - navıgaııa qyzmetiniń jumysy degen bolatyn.
Sonymen qatar, mınıstr apatqa ushyraǵan ushaqtyń órtenbeı qalýyna aýa-raıy de áser etti degen pikir aıtqan.
Qazaqstanda 28 jeltoqsan jalpyulttyq aza tutý kúni bolyp jarııalanǵan. Senbi kúni keıbir qalada turǵyndar ushaq apatynan qaza bolǵandar taǵzym etti.
Premer-mınıstr Asqar Mamın apattan qaza bolǵandardyń otbasyna tórt mıllıon teńgeden (shamamen 10,5 myń dollar) tólenetinin aıtty. Bek Air kompanııasyna berilgen lıenzııa ýaqytsha toqtatyldy.
"Azattyq" radıosy
