Tańǵy Kún Alataýdy qaraly habarmen oıatty. Almaty túbindegi ushaq apaty jalpaq qazaq dalasyn ah urǵyzdy. 100 adamdy tıegen áýe kemesi kókke kóterile bere, qanaty talǵan qustaı qulady.
Almaty áýejaıynyń habarlaýynsha, jergilikti ýaqyt boıynsha tańerteńgi saǵat 7:05 kezinde №2100 reıspen Nur-Sultanǵa ushyp shyqqan ushaq áýege kóterilgen soń kóp uzamaı baılanys úzilgen. Áýejaı baspasóz qyzmetiniń habarlaýynsha, ushaqta 93 jolaýshy jáne ekıpajdyń bes múshesi bolǵan.
Resmı túrde Almaty qalalyq ákimdigi ushaq apatynan 12 adamnyń qaza bolǵanyn málimdep, olardyń tizimin jarııalady. Olardyń arasynda ekıpaj komandıri de bar.
Prezıdent Qasym-Jomart Toqaev Almatynyń janyndaǵy jolaýshylar ushaǵynyń apaty men sol jerdegi adamdardyń qazasyna baılanysty 2019 jyldyń 28 jeltoqsanyn jalpyulttyq aza tutý kúni retinde jarııalady.
Buǵan deıin memleket basshysy ushaq apatynan qaza bolǵandardyń jaqyndaryna qaıǵyryp kóńil aıtqan edi. Sonymen qatar prezıdent kináliler zańǵa sáıkes qatań jazalanatynyn jetkizdi.
"Adyrna" ulttyq-etnografııalyq birlestigi men "Adyrna" ulttyq portaly qaza tapqan marqumdardyń otbasy men týǵan-týystaryna qaıǵyryp kóńil aıtady.
"Adyrna" ulttyq portaly
