Belgııa soty Qazaqstannan 540 mıllıon dollar ótemaqy óndirip alý týraly moldovalyq olıgarh, Ascom Group SA kompanııasynyń bas dırektory Anatol Statıdiń ótinishin qanaǵattandyrdy. Bul aqparatty Cision saıty habarlady.
"Brıýsseldiń birinshi ınstanııalyq soty Qazaqstannan 540 mıllıon dollar óndirip alý týraly arbıtraj sotynyń sheshimin moıyndap, ony oryndaýdy buıyrdy. Bul is boıynsha Ascom Group SA kompanııasynyń qarsylasy - Qazaqstan" delingen kompanııa taratqan baspasóz habarlamasynda.
Brıýssel sotynyń 34 betten quralǵan sot qaýlysynda sheshimge qarsylyq tanytqan Qazaqstan tarabynyń barlyq ótinishteriniń qabyldanbaǵany jazylǵan. Bir kún buryn Lıýksembýrgtiń apellıaııalyq soty osyǵan uqsas sheshim shyǵaryp, Qazaqstannyń ótinishterin qanaǵattandyrmaǵan.
Qazaqstan ádilet mınıstrligi Brıýssel sotynyń sheshimimen kelispeıtinin, apellıaııalyq shaǵym túsiretinin habarlady.
Moldovalyq bıznesmen Statı men Qazaqstan bıligi arasyndaǵy sot birneshe jyldan beri jalǵasyp keledi. Qazaqstannyń munaı salasyna ınvestıııa salǵan Anatol Statı men onyń uly Gabrıel Statı Qazaqstannyń memlekettik organdary ózin "ınvestıııasyn tym arzanǵa satýǵa májbúrleý úshin qyspaqqa alǵanyn" aıtady.
Bul is boıynsha negizgi sheshimdi 2013 jyly jeltoqsanda Shveııanyń arbıtraj soty shyǵarǵan. Shveııa soty Qazaqstan ınvestorlar aldyndaǵy halyqaralyq mindettemelerin buzdy dep tanyp, Statıge 500 mıllıon dollar kóleminde óndirip berý týraly sheshim shyǵarǵan. Keıinirek Nur-Sultan bul aıyptaýdy teristep, Statıdi "alaıaqtyq jasady" dep aıyptady.
Sodan beri Statı birneshe memlekette sot sheshimin kúshpen oryndatýǵa kúsh salyp keledi. 2017 jyly jeltoqsanda New York Mellon banki Anatol Statıdiń Qazaqstan úkimetine qarsy aryzy boıynsha Qazaqstan Ulttyq qorynyń 22 mıllıard dollar qarjysyn buǵattaǵany jarııa bolǵan.
Bıyl mamyrda Nıderland soty quny 5,2 mıllıard dollar turatyn Nıderlandtyń KMG Kashagan B.V. kompanııasyndaǵy "Samuryq-Qazyna" memlekettik qory akııalaryna salynǵan tyıymdy kúshinde qaldyrdy. Bul akııalarǵa Qazaqstan úkimeti men Anatol Statı arasyndaǵy daý aıasynda tyıym salynǵan edi.
"Azattyq" radıosy
