Jambyl oblysynda «Eńbek» baǵdarlamasy arqyly eki qolǵa bir kúrek taýyp, eńbek etip jatqan azamattar barshylyq. Sonymen qatar óńirde shaǵyn bıznespen aınalysýshy jastardyń da sany artyp keledi.
Moıynqum aýdanynda jańa jumys oryndaryn ashyp, shaǵyn bıznesti damytýǵa úles qosyp jatqan jastardyń qarasy qalyń. Biri startap jobalardy júzege asyryp jatsa, endi biri qaıtarymsyz granttarǵa qol jetkizýde. Solardyń qatarynda Nazgúl Aıdash pen Alýa Orynbek bar. Olar «Bastaý Bıznes» jobasy aıasynda beriletin qaıtarymsyz grantqa ıe bolyp shashtaraz ben sulýlyq salonyn ashypty. Baǵdarlama aıasynda berilgen 505 myń teńge qaıtarymsyz grantqa ıe bolǵan qyzdar atalǵan qarjyǵa qajetti qural-jabdyqtardy alǵan.
«Bıznespen aınalysýdy jas kezimnen armandaıtynmyn. Alǵashynda shash qyrqý syndy qyzmetterdi úıdi úıge baryp kórsettim. Balamen úıde otyrǵanda arnaıy kýrstarǵa qatystym. Qazir eńbegimniń jemisin kórip oltyrmyn. Qaıtarymsyz grant alyp bıznesim órkendeı bastady, - deıdi jas kásipker
Al Alýa Orynbek ashqan sulýlyq salony kópsalaly qyzmet kórsetedi. Munda qyz kelinshekter shash sándeý, boıaný, massaj alýǵa keledi.
«Moıynqum shalǵaı jatqan aýdan bolsa da shaǵyn bıznes nysandary kóbeıip keledi. Ásirese halyqqa kúndelikti qajet turmystyq dúkender men sulýlyq salondaryn ashý úrdiske aınaldy. Men de «Atameken» kásipkerlik palatasy uıymdastyrǵan kýrsqa qatysyp bilimimdi jetildirdim. Bıyl grantqa qol jetkizip kásipkerlikpen aınalysa bastadym. Jastar jylynda jastarǵa úlken kómekter kórsetilip jatyr, - deıdi Alýa.
Moıynqum aýdanynda «Eńbek» baǵdarlamasynyń ekinshi baǵyty sanalatyn jappaı kásipkerlikti damytý boıynsha nesıe alǵandardyń biri Bekejan Mamyshev. Ol 6- paıyzben 3 mıllıon teńgege qol jetkizipti. Oǵan endi 8 bas jylqy satyp alǵan.
«Baǵdarlamanyń tıimdi tustary óte kóp. Men jylqy basyn kóbeıtip bolashaqta qymyz óndirsem dep otyrmyn, - deıdi Bekjan Mamyshev.
Búgingi tańda Moıynqum aýdany boıynsha 95- adam qysqa merzimdi kásiptik oqytý kýrstaryna joldanǵan. Olar traktor júrgizýshisi, shashtaraz, aspazshy sekildi mamandyqtardy tegin oqıdy. Al, jastar jylynda óńirdegi jas kásipkerlerdiń jobalaryn qoldaý jumystary jalǵasa beredi.
«ADYRNA»
ulttyq portaly