Jambyl oblysynda kópbalaly jáne az qamtylǵan otbasylardy turǵyn úımen qamtamasyz etý qarqyndy túrde júrgizilip jatyr. Osyndaı bir qýanyshty jańalyq oblysqa qarasty Jańatas qalasynda boldy.
QR Táýelsizdik kúni men Jambyl oblysynyń 80 jyldyq mereıtoıyna oraı Jańatas qalasynda 120 páterli kópqabatty turǵyn úı paıdalanýǵa berildi.
Sarysý aýdanynyń oratylyǵy Jańatas qalasyndaǵy bos turǵan kóppátterli úılerdi qalpyna keltirý shararlary jalǵasýda. Bul joly qaladaǵy 1-shaǵyn aýdandaǵy 120 páterli №9 kópqabatty úı qalpyna keltirilip, 120 otbasy baspanaly boldy. Páter kiltterin tabystaý saltanatyna aýdan ákimi Qanatbek Mádibekov arnaıy qatysty. Ol áleýmettik jaǵynan az qorǵalǵan jáne jyldar boıy páter kezeginde turǵan otbasylardy baspanamen qamtý basty maqsat bolyp otyrǵanyn jetkizdi.
«Jyl sanap damyp kele jatqan Jańatasymyz úshin turǵyn úı máselesi kún tártibinen túsken emes. Osy oraıda, jarty ǵasyrlyq tarıhy bar qalamyzda memlekettik baǵdarlamalar aıasynda kópqabatty turǵyn úıler qaıta jańǵyrtylyp, paılanýǵa berilýde. Jyldan-jylǵa qala turǵyndarynyń sany kóbeıip, turǵyn úı kezegindegiler sany da arta túsýde. Búgingi tańda, kommýnaldyq menshiktegi turǵyn úılerden páter alý kezeginde 2 myńǵa jýyq adam tizimde tur», - dedi Q.Mádibek.
Aýdan basshysy aýdandaǵy páter kezegi máselesin sheshý, ásirese jaǵdaıy tómen otbasylary men múmkindigi shekteýli azamattardy turǵyn úımen qamtý úshin barlyq múmkindikter qarastyrylyp jatqanyn aıtty. Bıylǵy jyldyń ózinde úsh úı paıdalanýǵa berilipti. Qanatbek Mádibek aýdan turǵyndaryn aıtýly merekemen quttyqtap, belgilengen qurylys jumystaryn sapaly atqaryp, el ıgiligine usyna bilgen «Aqorda korporaııasy» ujymyna jáne jalpy atsalysqan barsha azamattarǵa alǵysyn bildirdi.
Jańa qonysqa kirgen kópbalaly analar qýanyshtaryn jasyra almaı analarǵa erekshe kóńil bólgen aýdan, oblys basshysyna degen alǵystaryn jetkizdi.
Táýelsizdik eleń-alańynda turǵyndary jappaı kóship, qańyrap qalǵan qala qaıtadan túlep jatyr. Buǵan qalada jańadan jumys oryndary ashylyp, turǵyndarǵa qolaıdy jaǵdaı jasalǵany aıryqsha áser etip jatyr.
«ADYRNA»
ulttyq portaly
