Táýelsizdik merekesin saltanatty túrde atap ótti

279

Búgin QR Indýstrııa jáne ınfraqurylymdyq damý mınıstrligi Kólik komıteti eń uly da, qasterli mereke bolyp sanalatyn – elimizdiń Táýelsizdik kúnin saltanatty túrde atap ótti.
Eń aldymen saltanatty sharanyń ashylýy Qazaqstan Respýblıkasynyń Ánuranymen bastaldy.
Barshańyzdy Uly dala eliniń eń ulyq merekesi – Táýelsizdik kúnimen shyn júrekten quttyqtaımyn! Halqymyzdyń ǵasyrlar boıy ańsaǵan Táýelsizdigine ıe bolǵanymyzǵa bıyl 28 jyl tolyp otyr. Osy ýaqyt ishinde Qazaq eli tamyryn tereńge jaıyp, órisin keńeıtip, kemeldene tústi. Qazaqstan Respýblıkasynyń Táýelsizdik kúni – tarıhy tereńde jatqan eldiń jańa zamanda óz aldyna qaıta egemendi el bolǵan kúni. Bizge mańyzdy bolyp sanalatyn Táýelsizdik kúni, keń baıtaq dalamyz ata-babalarymyzdan qalǵan mura jáne bizden keıin kele jatqan urpaqqa aman-esen, tórt jaǵy túgel bolyp beriletin amanat. Osy merekede árbir shańyraqqa – bereke, elimizge – tynyshtyq tileımin. Elimizdiń ulyq merekesi qutty bolsyn! Otanymyzdyń ıgiligi men jarqyn bolashaǵy jolynda jańa tabystar tileımin – dedi merekelik shara barysynda QR IIDM Kólik komıtetiniń tóraǵasy Samat Gılımov quttyqtaý sózinde.


Sondaı – aq, mereke aıasynda Kólik komıtetiniń qyzmetkerlerin QR Indýstrııa jáne ınfraqurylymdyq damý mınıstri jáne Kólik komıteti tóraǵasynyń Alǵys hattarymen marapattaý rásimi bolyp ótti.


Onda, QR IIDM basshysynyń Alǵys hatymen Ahýaldyq ortalyqtyń basshysy Q. Ermuhanov, Temirjol kóligindegi baqylaý basqarmasynyń basshysy A.Tólegen jáne Kadr jumysy basqarmasynyń sarapshysy N. Ybrasheva marapattaldy.


Sonymen qatar, QR IIDM Kólik komıteti tóraǵasynyń Alǵys hatymen Avtomobıl kóligindegi baqylaý basqarmasynyń bas sarapshysy S. Gýmarov jáne Ahýaldyq ortalyqtyń sarapshylary A.Túlemisov pen D. Sakenuly marapattaldy.


Shara sońynda memlekettik qyzmetke jańadan qabyldanǵan Kólikti ıfrlandyrý basqarmasynyń bas sarapshysy – D.Hasenov, Ahýaldyq ortalyqtyń sarapshysy – J. Úrimbetova jáne Zań jumysy basqarmasynyń sarapshysy – Ú.Ybyraeva syndy memlekettik qyzmetkerler ant qabyldady.

QR IIDM Kólik komıtetiniń baspasóz qyzmeti

Pikirler