Qoǵamdyq uıym baspanaly bolýdyń baǵyttaryn talqylady

606

«Úıi joqtyń – kúıi joq» - demekshi búginde baspanaǵa qol jetkize almaı, páterden-páterge kóship, sharadaı basy shaqshadaı bolyp júrgen qazaqstandyqtar az emes. Osynaý ózekti máseleni sheshý maqsatynda memleket tarapynan ondaǵan baǵdarlamalar qabyldanyp  jatyr.  

QR Aqparat jáne qoǵamdyq damý mınıstrligi, "Azamattyq bastamalardy qoldaý ortalyǵy" KEAQ granttyq qarjylandyrýymen "Bes áleýmettik bastamany iske asyrý boıynsha «Azamattyq baqylaý» qoǵamdyq monıtorıngin júrgizý" atty jobasy aıasynda «Jambyl oblysy jastar uıymdarynyń Qaýymdastyǵy» ZTB Taraz qalasy ákimdiginiń Turǵyn úı qatynastary bóliminiń basshysy Ǵazız Eralıevpen suhbattasty.

Suhbat barysynda azamattardyń baspanaly bolýy úshin memleket tarapynan qabyldanǵan «Baqytty otbasy», «7-20-25» baǵdarlamalary týrasynda áńgime órbip, oblys ákimdiginiń qurylys basqarmasynyń muryndyq bolýymen júzege asyrǵaly jatqan «Turǵyn úı sertıfıkatyna» jambyldyqtardyń qalaı qol jetkizýge bolatyndyǵy baıandalǵan.

Ǵazız Eralıevtiń sózinshe, bıyl 15 mólmek aýdanyndaǵy 115 páter kilti óz ıelerine tapsyrylsa, áli 9 kópqabatty úıdiń 180 páteri satylmaı turǵan kórinedi. Bul úılerdiń 70 paıyzy «Qazaqstannyń turǵyn úı qurylys jınaq bankine" tıesili bolsa, 30 paıyzy 7-20-25 baǵdarlamasynyń enshisinde eken.

«Baspanaly bolǵysy keletin azamattarǵa qoıylatyn basty talap – tólem qabileti joǵary bolýy. Qazir tańda «Araı-2» aýdanynda 44 páter, al «15 móltek aýdanynda» 180 páterdiń ótpeýiniń basty sebebi - turǵyndardyń tólem qabiletiniń tómendigi men ekinshi deńgeıli bankterde nesıeleriniń kóptiginde bolyp otyr. Onyń ústine, týǵan-týystyń ózi baýyryna 20-25 jylǵa kepil bolǵysy kelmeıdi», - deıdi bólim basshysy.

Munan soń ekeýara suhbat jýyrda ǵana qabyldanǵan «Baqytty otbasy» baǵdarlamasy  tóńireginde sabaqtasqan.

"Baqytty otbasy" baǵdarlamasyna kimder qatysa alady? degen saýalǵa Ǵazız Eralıev bylaı dep jaýap bergen: «Baǵdarlama ákimdikte baspanaǵa muqtaj tulǵa retinde kezekte turǵan kópbalaly, tolyq emes jáne múgedek balalardy tárbıelep otyrǵan otbasylarǵa nesıe berýge arnalǵan. Baǵdarlamaǵa maýsym-tamyz aılarynda 950 otbasy joldama alsa, tek 350 adamnyń tólem qabileti rastalǵan»

Sondaı-aq bólim basshysy  joǵary atalǵan sanattaǵy azamattarǵa arnap, salynyp jatqan 8 jataqhananyń qurylysy aıaqtalýǵa jaqyn qalǵanyn tilge tıek etip, jalpy jańadan boı kóterip jatqan turǵyn úılerdiń sapasyn qalalyq qurlys jáne sáýlet bólimi jiti qaǵalaıtynyn, úıden aqaý tabylǵannyń ózinde merdiger kompanııa  3 jylǵa deıin páterdi jóndep berýge mindetti ekenin atap ótken.

Suhbat sońynda jergilikti bıliktiń bastaýymen qolǵa alynyp, oblystyq qurylys basqarmasy júzege asyrǵaly otyrǵan aımaq halqyn turǵyn úımen qamtamasyz etý maqsatynda «turǵyn úı sertıfıka» týraly sóz qozǵalǵan. Ǵazız Eralıevtiń aıtýynsha, turǵyn úı kezeginde turǵan azamattarǵa alǵashqy jarna ıaǵnı turǵyn úıdiń 10 paıyzynyń 99 paıyzyn jergilikti bılik nesıe esebinde 15 jylǵa 0,1 paıyzben berilmek. Al úıdi halyqtyń ózi tańdaı alady eken.

 «ADYRNA»

ulttyq portaly

Pikirler
Redakııa tańdaýy