Táýelsizdiktiń alǵashqy jyldarynda nashaqorlyqqa salynǵan jastar týraly kóp estıtinbiz. Sondyqtan da maǵan esirtkige táýeldilikten birjola qutylǵan sııaqty bolyp kórinedi. Óıtkeni aınalamyzdaǵy tanys-tamyrlardan nashaqorlyqqa qumartqandar kezdespeıtin edi. Áıtse de, «qoı terisin jamylǵan qasqyrlar» áli de bolsa aramyzda bar kórinedi.
Jambyl oblysynda «Ońtústik-Arylý» qoǵamdyq qorynyń prezıdenti Dáýren Baǵjanov narkomanııa máselesesimen kópten beri aınalysyp keledi. Onyń aıtýynsha, oblystyq narkodıspanserde 9 myńǵa jýyq azamat tirkelgen.
«Qazirgi kezde esirtkige táýeldiliktiń formasy ózgergen. Norkodılerler ınternet arqyly jastarǵa esirtkisin taratyp jatyr. Árıne UQK men oblystyq polıııa departamenti aýqymdy jumystar atqarýda. Onyń ústine Memleket basshysy Qasym-Jomart Toqaev esirtki boıynsha jazany qatańdatýdy tapsyrdy. Alaıda bul dertpen qoǵam bolyp kúrespesek, quqyq qorǵaý organdary men biz sııaqty uıymdardyń shamasy naqty nátıjege jetýge jetpeıdi Shyn mánisinde psıhologııalyq narkomanııa degen óte qaýipti dert bolyp otyr. Basqa narkomanııa bolsa, onyń betin qaıtarýǵa bolady. Al psıhologııalyq narkomanııaǵa shaldyqqan adam 2-3 jyldan artyq ómir súre almaıdy», – deıdi ol.
Dáýren Baǵjanov elimizdiń Uly Jibek boıynda ornalasýynyń artyqshylyǵymen qatar, kemshiligi de bar ekenin aıtady. Máselen bizdiń terrıtorııamyz arqyly Aýǵanstannan Reseı men Qytaıǵa esirtki zattary ótedi. Ókinishke qaraı osy esirtki zattarynyń belgili bóligi elimizde qalyp qoıatyn kórinedi.
«Qazirgi tańda nashaqorlyqtan emdeıtin ortalyq Almaty men Pavlodar qalasynda ǵana bar. Bizdiń kásibı mindetimiz – esirtki zattaryna táýeldilerdi anyqtap, olardy atalǵan ortalyqtarǵa jiberýge qoldaý kórsetý bolyp otyr. Bizge nashaqorlyqqa salynǵan adamdar kezdesip qalsa nemese habarlassa atalǵan ortalyqta emdelýge motıvaııa beremiz. Suranys usynysty týdyrady degen bar emes pe? Meniń pozıııam aýrýdy emdegennen qaraǵanda aldyn alǵan jón degenge saıady. Sol sebepti de biz jastarmen jıi kezdesip, úgit-nasıhat jumystaryn qarqyndy túrde júrgizip jatyrmyz. Eger naqty jospar boıynsha kásibı túrde jumys jasaıtyn bolsaq, aldaǵy 5-7 nemese 10 jylda jastardy bul keselge jolamaıtyndaı ete alamyz», – deıdi Dáýren Baǵjanov.
«ADYRNA»
ulttyq portaly
