Jambyldyqtar isti sotqa jetkizbeı sheshkendi jón kóredi

3343
Adyrna.kz Telegram

Sońǵy jyldary bolmashy ispen sotqa júgiretin azamattar paıda boldy. Tipti keıde otbasylyq ustaq-túıek sharýalarmen quqyq qorǵaý organdarynyń aryzdanatyn jandar kezdesip qalyp jatady. Mine osyndaı jaǵdaı týyndaı qalsa, medıaııa qyzmetine júgingen jón.

Jambyl olblysynda arazdasqan azamattardy Janna Mamasheva  basqaratyn «Medıa qyzmetkerleri qaýymdastyǵy» jastar qoǵamdyq birlestigi tatýlastyryp júr. Atalǵan qoǵamdyq birlestik oblystyq ishki saıasat basqarmasynyń memlekettik tapsyrysy boıynsha Áýlıeata aımaǵynda eńbek etýde.

Qoǵamdyq birlestik tóraıymynyń aıtýynsha, isti sotqa deıin jetkizbeı sheshý óte mańyzdy sharýa bolyp sanalady.

«Biz bıyl «Bitimger» jobasy boıynsha jumys jasap jatyrmyz. Iaǵnı arazdasqan eki tarapty sotqa deıin mámilege keltirip, tatýlastyrý baǵytynda eńbek etemiz. Jambyl oblysy sotynyń janyndaǵy Ardagerer keńesiniń ishinen Bıler keńesi qurylǵan bolatyn. Ońlasyn Esirkepov basqaratyn Bıler keńesimen birlesip aýdan-aýdandardy aralap, oqytý semınarlaryn ótkizdik. Budan bólek «Qazaqstandyq medıatorlar palatasy» qoǵamdyq birlestiginiń basshysy Elmıra Esimbetova uıymdastyrýymen 4 kúndik semınarǵa qatystyq. Negizi kásibı medıator men qarapaıym medıatordyń arasynda jer men kókteı aıyrmashylyq bar. Kásibı medıator ákimshilik pen sotqa jalpy kez-kelgen memlekettik mekemege baryp jumys isteı alady. Máselen eńbek daýlary týyndasa, medıator ony beıbit jolmen sotqa deıin jetkizbeı sheshýge tyrsady. Biz atqarǵan jumystardyń arqasynda Jambyl oblysynda sotqa aryzdanatyn adamdardyń sany aıtarlyqtaı azaıdy. Eger de qandaıda bir azamat sottyń sheshimine qanaǵattanbasa Joǵary sotqa appeleııaǵa beredi. Al medıaııanyń sheshimin eshqandaı Joǵary nemese oblystyq sot joqqa shyǵara almaıdy», – deıdi ol.

Janna Mamashevanyń aıtýynsha, aǵaıyn-týystardyń arasynda múlikke talasatyn jaǵdaılar kezdesip qalyp jatady. Alaıda ol medıaııanyń arqasynda kóptegen aǵaıyndar arazdyqty qoıyp, ózara kelisimge kelgenin jetkizdi.

«Shyny kerek qazaq halqynyń arasynda sottasyp, bet kórispeı ketetindeı jaǵdaı bolǵan emes. Aqsaqaldardyń aqylynyń arqasynda otbasyndaǵy keıkiljiń aýyldan asyp ketpeı, óz sheshimin taýyp otyrǵany kópshilikke belgili. Qazirgi tańda eski zamandaǵy aqsaqaldardyń mıssııasyn medıaııa qyzmeti atqaryp jatyr», – dedi ol.

Jalpy sońǵy jyldary medıaııa qyzmeti halyqa arasynda keńinen nasıhattalyp jatyr. Sebebi halyq arasynda bolmashy másele úshin sotqa júginetin azamattar kóbeıip ketken bolatyn. Áıtse de, keıingi kezderi sottasqannan góri bitimge kelgendi qosh kóretin bolǵan.

«ADYRNA»

ulttyq portaly

 

Pikirler