Qarjy mınıstrligi salyqtan jaltarǵan rásipkerlerdi anyqtaý úshin aqshalaı aýdarymdar tekseriletinin málimdegen edi
Qazaqstandyqtardyń aqsha aýdarymdaryn tekserý máselesi áli talqylanyp jatyr. Bul týraly búgin ulttyq bank tóraǵasy Erbolat Dosaev málimdedi, dep habarlaıdy Sputnik Qazaqstan tilshisi.
"Qarjy mınıstrligi Kaspi bank arqyly jasalatyn aqsha aýdarymdaryna salyq salady dep oılamaımyn. Tek osy tólemderden salyq tólenip-tólenbegenin kórip otyrǵysy keledi. Bul máseleni ulttyq bank pen qarjy mınıstrligi birlesip qarap jatyr. Qolma-qol aqshasyz tólem jasaý kólemi ulǵaısa, bıýdjetke túsetin kiris te artýy kerek dep oılaımyn. Bul qalypty nárse, sebebi aqsha kóleńkeli ekonomıkadan shyǵady", - dedi Dosaev jýrnalısterge bergen suhbatynda.
Ol bul másele tek Kaspi bankke ǵana emes, búkil bank sektoryna qatysty ekenin qadap aıtty.
"Kóleńkeli ekonomıkanyń úlesin azaıtý baǵytyndaǵy birlesken jumys qosymsha tabys alý túrindegi oń nátıjelermen jalǵasqanyn qalaımyz. Bul ázirge qarjy mınıstrliginiń usynysy ǵana, bank qaýymdastyǵymen talqylanyp jatyr", - dedi ulttyq bank tóraǵasy.
Buǵan deıin qarjy mınıstrligi salyqtan jaltarǵan kásipkerlerdi anyqtaý úshin aqshalaı aýdarymdar tekseriletinin málimdegen edi.
Qarjy vıe-mınıstri Rýslan Eńsebaevtyń aıtýynsha, qazirgi ýaqytta Kaspi Gold tólem jasaýdyń eń jıi qoldanylatyn túri. Alaıda tólem júıesi salyq zańnamasynyń talabyna saı emes.
Vedomstvo basynda Kaspi.kz arqyly aýdarym jasaýǵa tyıym salýdy oılapty. Biraq, bul el ekonomıkasyna keri áserin tıgizýi múmkin degen paıymǵa kelgen.
