JÁŃGIR HANNYŃ MÝNDIRI. FATIMANYŃ KÓILEGI. DINANYŃ QAMZOLY

891

QR Ulttyq mýzeıinde «Ǵasyrlar qoınaýynan syr shertken Qazaqstan» jobasy aıasynda Batys Qazaqstan oblystyq tarıhı-ólketaný mýzeıiniń «Tarıhy tereń Aq Jaıyq» atty kórmesi óz jumysyn bastady. 

Kórme Batys Qazaqstan oblystyq mýzeı qorlary arqyly astana turǵyndary men qonaqtaryna Aq Jaıyq óńiriniń materıaldyq jáne rýhanı mádenıetiniń baǵa jetpes qundylyqtaryn kórsetýdi jáne ólke tarıhymen tereńirek tanystyrýdy kózdeıdi.Kórmege arheologııalyq qazba jumystary kezinde tabylǵan úshburysh, shyrsha, romb órnekti qysh, shyǵyr qumyralar, Jaıyq qalashyǵynyń ornynan tabylǵan kesene qaldyqtary jáne kirpish tastar qoıylady. Sonymen qatar ekspozıııalardyń qatarynda b.d.d ÚI-Ú ǵasyrlarǵa tıesili Taqsaı oba-kesheninen 2012 jyly (BQO Terekti aýdany, Dolınnoe eldi-mekeni) tabylǵan «Altyn hanshaıymnyń» jańǵyrtylǵan nusqasy, ejelgi sarmat kezeńine jatatyn aqsúıek áıel jerlengen jerdiń órtengen aǵash bóreneleri, ǵuryptyq ydystar qoıyldy.Jıynda sóz alǵan Ulttyq mýzeıdiń dırektory Darhan Myńbaıdyń aıtýynsha, mundaı sharalar jıi ótkizilip turýy qajet. Ol jastardy ultyn, tarıhyn, mádenıetin súıýge tárbıeleıdi. «Biz ulttyq mýzeıdiń ýaqytsha kórmeler zalyn ár oblysqa eki aıǵa berip otyramyz. Buǵan deıin Pavlodar, Atyraý, Qaraǵandy qalalarynyń tarıhı jádigerleriniń kórmesin uıymdastyrdyq. Mundaı kórmeler ózimizdi-ózimiz tanýymyz úshin kerek. Qazir kóp jastar shetelge shyǵyp jatyr. Biraq kópshiligi óz tarıhynan, mádenıetinen beıhabar. Jastardy jergilikti jerge bólinbeı, ulttyq patrıotızmge tárbıeleý kerek. BQO tarıhqa toly eldimeken. Basqasyn aıtpaǵanda, oblystan tabylǵan «Altyn hanshaıym» álem deńgeıindegi jádiger bolyp sanaldy. Ol qazaqty jahanǵa tanytty», - dedi ol

.

Fatıma hanymnyń 1824 jyly Sankt-Peterborda balǵa kıgen kóıleginiń kóshirmesi

 

Jáńgir han mýndıriniń kóshirmesi

 

Kópshilik kúıshi-kompozıtor Dına Nurpeıisovanyń qamzolyn, kúıshi Q.Jantileýovtyń shapany men dombyrasyn, Aq Jaıyqty meken etetin ózge ult ókilderiniń ulttyq kıimderi men mýzykalyq aspaptaryn, Á. Qasteevtiń 1941 jyly salǵan «Qyz Jibek pen Tólegenniń kezdesýi» atty grafıkasyn jáne qazaq arýlary qoldanǵan zergerlik buıymdardy tamashalaı alady.

Dına Nurpeıisovanyń qamzoly

 

Buǵan qosa kópshilikke 1969 jyly Santas jonyndaǵy obalardan tabylǵan qypshaq jaýyngeriniń múrdesi, qypshaq jaýyngeriniń qarý-jaraqtary, E.Pýgachev búligin basýǵa qatysýshylarǵa 1775 jyly orys patshaıymy II Ekaterına syı retinde bergen qolǵap, orys aqyny A. Pýshkın kıgen kıimniń kóshirmesi usynylady

.

Juban Moldaǵalıevtiń jazý quraldary

 

Kórmeni Batys Qazaqstan oblystyq ákimdiginiń qoldaýymen QR Ulttyq mýzeıi, Batys Qazaqstan oblysynyń mádenıet, muraǵattar jáne qujattama basqarmasy men oblystyq tarıhı-ólketaný mýzeıi uıymdastyrdy. Aıta keteıik, kórme 2015 jylǵy 18 qarashadan 2016 jylǵy 18 qańtarǵa deıin jalǵasady.


Nazerke SÚIINDIKOVA,
sýret avtordiki, 
KAZMUSEUM.KZ 

 

 

Pikirler